Músinder monýmentaldy stılde jasalǵan. Shahardaǵy «Oqýshylar saraıy» ǵımaratynyń aldyna ornatylǵan uly aqyn Abaı Qunanbaıulynyń eskertkishi tarıhı tulǵanyń beınesin tereńinen asha bilgen. Eskertkish avtory – músinshi Gýlfııa Meldeshtiń kórermenge kúshti emosıonaldy áser berýge tyrysqany baıqalady. Aqynnyń shapany men jalpy beınesin áserli beıneleýge kóp kóńil bólingen.
Salatanatty rásimde sóz alǵan Memlekettik hatshy Qyrymbek Kósherbaev kıeli qaladaǵy is-sharany uly dalanyń ulaǵatty tulǵalaryna taǵzym etý maqsatynda atqarylyp jatqan ıgi iske balady. Uly Abaıdyń el damýyndaǵy, birligimizdi nyǵaıtýdaǵy rólin atap ótti.
Al oblys ákimi О́mirzaq Shókeev uly aqynnyń mereıtoıyn ótkizýde óńirdiń dańǵaza shýdan bólek ilkimdi istiń júzege asýyna muryndyq bolǵanyn atap ótti.
"Búgin rýhanı astanamyz Túrkistannyń kórkine kórik qosatyn, zamannyń zańǵary bolǵan aqynǵa eńseli eskertkish ashylyp otyr", dedi oblys basshysy.
Qoladan jasalǵan eskertkishterdiń bıiktigi 4 metr, salmaǵy 1,5 tonna. 3,5 metrlik tuǵyrǵa ornatylǵan. Iаǵnı jalpy bıiktigi 7,5 metrdi quraıdy.
Túrkstan oblysy
