Alqa otyrysyna Densaýlyq saqtaý mınıstrliginiń basshylyq quramy, óńirlerdiń, respýblıkalyq mańyzy bar qalalardyń jáne Nur-Sultan qalasynyń Densaýlyq saqtaý basqarmalarynyń basshylary, beıindi komıtetter men medısınalyq uıymdardyń aımaqtyq bólimsheleri qatysty.
"Densaýlyq saqtaýdy damytý strategııasy Memleket basshysynyń bıylǵy 1 qyrkúıektegi Qazaqstan halqyna Joldaýynda kórinis tapty, onda Prezıdent koronavırýsindetine qarsy kúreste avangard retinde salaǵa erekshe nazar aýdardy. Pandemııa jaǵdaıynda dárigerler men sanıtarlyq-epıdemıologııalyq qyzmet mamandarynyń jumysnátıjeleri tikeleı áleýmettik mańyzǵa ıe ekeni ataldy, tipti naqty adamdardyń ómiri ǵana emes, jalpy tutastaı qoǵamnyń turaqtylyǵy da baılanysty. Sondyqtan medısına qyzmetkerlerin áleýmettik qoldaý sharalary memlekettiń erekshe baqylaýynda", - dedi A.Soı.
2020 jyldyń naýryz aıynan bastap búgingi kúnge deıin medısına qyzmetkerlerine 84,4 mlrd teńge somasynda yntalandyrý tólemderi berilgen. Ústemeaqylar jyl sońyna deıin tólenedi, buǵan 136,8 mlrd teńge somasynda qarajat bólindi.
Sonymen qatar, Memleket basshysy aǵymdaǵy jyldan bastap dárigerlerdiń jalaqysyn kezeń-kezeńmen kóterý jáne 2023 jylǵa qaraı ekonomıkadaǵy ortasha jalaqydan eki ese joǵary deńgeıge jetkizý mindetin qoıdy.
"2021 jyly 247 myń medısına qyzmetkeriniń jalaqysyn kóterýge 222,3 mlrd teńge, 2022 jyly – 361,7 mlrd teńge, 2023 jyly – 557,5 mlrd teńge kóleminde shyǵystar kózdelgen. Osylaısha, 2023 jyly dárigerlerdiń ortasha jalaqysy shamamen 561 myń teńgeni quraıdy", - dedi A.Soı.
Aýyldyq jerlerdegi jas dárigerlerdi qoldaý úshin 2019 jyly 849 mamanǵa kóterme járdemaqy tólendi, 659 mamanǵa turǵyn úı usynyldy, 142 mamanǵa ózge de áleýmettik qoldaý sharalary kórsetildi. 2020 jyly praktıkalyq densaýlyq saqtaý qajettiligine sáıkes 2 327 jas maman jumysqa ornalastyryldy. Elimiz boıynsha dárigerlermen jalpy qamtamasyz etý 74 myńnan astam mamandy quraıdy. SOVID-19-ǵa qarsy kúres boıynsha qajetti mamandarmen qamtamasyz etý 28 myńdy qurady.
Joldaýda atap kórsetilgen taǵy bir mańyzdy aspekt Qazaqstanda barlyq bazalyq dári-dármekter men medısınalyq buıymdardy óndirý bolyp tabylady. Osy tapsyrmalardy iske asyrý sheńberinde Indýstrııa jáne ınfraqurylymdyq damý mınıstrligi men Densaýlyq saqtaý mınıstrligi birlesip, farmasevtıkalyq ónerkásipti damytýdyń 2025 jylǵa deıingi keshendi josparyn ázirledi.
Densaýlyq saqtaýdyń zamanaýı, básekege qabiletti, qoljetimdi jáne tıimdi júıesin qurý úshin densaýlyq saqtaý ınfraqurylymyn damytýdy qamtamasyz etý qajet. Osy tapsyrmalardy oryndaý aıasynda óńirlerde 13 modýldik juqpaly aýrýlar aýrýhanasy salynýda, sondaı-aq О́skemen jáne Taraz qalalarynda úsh nysanǵa jóndeý jumystary júrgizilýde.
Eldiń ǵylymı jáne medısınalyq áleýetin shoǵyrlandyrý úshin 2023 jyldyń sońyna qaraı qazirgi jáne yqtımal epıdemıologııalyq qaýip-qaterlerge den qoıý úshin Nur-Sultan jáne Almaty qalalarynda árqaısysy 500 tósektik ınfeksııalyq aýrýlar boıynsha eki kópsalaly ǵylymı ortalyq salynady. 2025 jylǵa deıin tósek qoryn jańartýdyń 50% qamtamasyz etý úshin memlekettik-jekemenshik seriktestikter esebinen elimizdiń aımaqtarynda 20 iri zamanaýı medısınalyq ortalyqtar qurylady. Bul halyqaralyq sapa talaptaryna sáıkes halyqqa joǵary tehnologııalyq medısınalyq kómektiń barlyq spektrin kórsetetin kópsalaly aýrýhanalar.
Memleket basshysy alǵashqy medısınalyq-sanıtarlyq kómekti uıymdastyrýdyń tásilderin túbegeıli qaıta qaraýdy tapsyrdy. Qazirgi kezde Mınıstrlik 2021-2023 jyldarǵa arnalǵan alǵashqy medısınalyq-sanıtarlyq kómek kórsetýdi jaqsartý boıynsha, onyń ishinde birinshi kezekte aýyl turǵyndaryna alǵashqy medısınalyq-sanıtarlyq kómektiń qol jetimdiligin arttyrý jónindegi sharalardy ázirlep jatyr.
Medısınalyq kómektiń qol jetimdiligin arttyrý úshin aýyldyq eldi mekender úshin avtobýs negizindegi 100 jyljymaly medısınalyq keshender satyp alynýda, onyń ishinde 25 qondyrǵy aımaqtarǵa jetkizildi. Sonymen qatar aldaǵy úsh jylda aýyldyq eldi mekenderdi dárigerlik ambýlatorııalarmen jáne feldsherlik-akýsherlik pýnkttermen qamtamasyz etý josparlanyp otyr.
Alqa qorytyndysy boıynsha A.Soı Densaýlyq saqtaý mınıstrliginiń vedomstvolary men qurylymdyq bólimsheleriniń basshylaryna jalpyulttyq jospar sheńberinde atalǵan is-sharalardy oryndaý jóninde tapsyrma berdi.
