Қоғам • 24 Қазан, 2020

Мәулен Әшімбаев ауруханада жатқан Әбдіжәміл Нұрпейісовтің көңілін сұрады

88 рет көрсетілді

Сенат Спикері Мәулен Әшімбаев ауруханада жатқан Әбдіжәміл Нұрпейісовтің көңілін сұрап барды Бұл туралы ол өзінің Facebook парақшасында жазды, деп хабарлайды Egemen.kz.

"Кеше Қазақстанның халық жазушысы Әбдіжәміл Нұрпейісов ағамыз жатқан ауруханаға арнайы барып, қаламгердің көңілін сұрап шықтым. Халін біліп, қасында біраз әңгімелесіп отырдым. Әбекеңнің денсаулығы жаман емес. Дегенмен, соңғы кезде болған қайғылы жағдай ағамызға ауыр тигені анық. Ажар апамыздың жатқан жері жарық, топырағы торқа болсын", деп жазды М.Әшімбаев.

Бұдан соң, ол осыдан бірнеше күн бұрын Әбдіжәміл Нұрпейісовтің 96 жасқа толғанын атап өтті.

л

"Әбдіжәміл аға маған қажыр-қайрат пен ерік-жігердің символындай көрінеді. ХХ ғасырда халқымыздың басынан небір қиындықтар өтті. Соның бәрі Әбекеңе де аз зардабын тигізген жоқ. Соғыс жылдарында ағамыз қан майданның қақ ортасында жүрді. Одан кейінгі қиындықтарды да көрді. Қайсарлық пен қажырлықтың озық үлгісін көрсетіп, әдебиетке аянбай еңбек етті. Мәдениетіміз бен руханиятымызға өлшеусіз үлес қосты. Қазақ әдебиетінің нағыз классигіне айналды. Кейде Әбдіжәміл ағаға қарап, халқымыздың өткен ғасырдағы шежіресін көргендей боламын. Шын мәнінде, Әбекеңнің өзі де, сөзі де, жазған дүниесі де тарих", дей келе Мәулен Әшімбаев қазақ әдебиетінің алыбы әрі абызы болған Әбдіжәміл Нұрпейісовке мықты денсаулық, амандық тіледі.

Соңғы жаңалықтар

Қап тауындағы тұтқын

Қазақстан • Кеше

Қолды болған гараж

Аймақтар • Кеше

Ұқсас жаңалықтар