Endi sharýalar úshin jalpy sany 50 memlekettik qyzmet bir jerde kórsetiletin bolady. Ol úshin ákimshilik ǵımarattyń birinshi qabatynda birden bes memlekettik organnyń mamandary ornalasty.
«Soltústik Qazaqstan oblysy aýyl sharýashylyǵyna baǵyttalǵan. Memlekettik apparattyń azamattarmen ózara qarym-qatynasy tutynýshyǵa baǵdarlanýy jáne qoljetimdilik qaǵıdattaryna negizdelýi durys qubylys. Barlyq memlekettik qurylymdar birigip, qyzmet alýshylar úshin qolaıly jaǵdaı jasaý úshin jumys isteýi tıis», - dep atap ótti Alık Shpekbaev.
Antıkor basshysy agrarlyq aımaqta servıstik ortalyq qurý jemqorlyq táýekelderin azaıtýǵa oń áser etetinine, al soltústik qazaqstandyq dıqandardyń máselelerdi beıresmı sheshýge júginýge múmkindigi bolmaıtynyna senimdi.
Ortalyqtyń álemdik naryqta suranysqa ıe ekologııalyq taza, tabıǵı ónim óndiretin elimizdiń astyq óńirinde ashylǵany da ózekti. Bul rette óz isiniń sheberleri bolǵan oblys dıqandary memlekettik qyzmetterdi belsendi túrde alyp, sýbsıdııalaý túrindegi memlekettik qoldaý múmkindikterin keńinen paıdalanady. Sondyqtan óńirde osyndaı servıstik alańnyń ashylýy jaqsy demeý bolatyny sózsiz.
«Dástúrli túrde agroónerkásip kesheni ekonomıkanyń basym salasy retinde aıqyndalǵan. Búgin biz aýyl sharýashylyǵy taýarlaryn óndirýshilerge qyzmet kórsetetin memlekettik organdar men aýmaqtyq departamentterdiń jumysyn ońtaılandyrdyq. Eger buryn olar mekemeler tabaldyryǵyn tozdyrsa, búginde bar qyzmet birinshi qabatta ortalyqtandyrylǵan. Bul ýaqytty aıtarlyqtaı únemdeıdi, sondaı-aq sheneýniktermen jaqyn qarym-qatynasty, olardyń kabınetterindegi adamdardyń sanyn boldyrmaıdy», - dep málimdedi oblys ákimi Qumar Aqsaqalov.
Servıs ortalyǵynda turǵyndar qyzmetterdi memlekettik organ arqyly ǵana emes, ózine-ózi qyzmet kórsetý aımaǵynda elektrondyq úkimet portaly arqyly da ala alady. Sondaı-aq, sala mamandary men memlekettik organdar basshylyǵynyń azamattardy qabyldaýy úshin arnaıy jabdyqtalǵan kabınet qarastyrylǵan.
