Sýretti túsirgen: Valerıı Býgaev
Aýrýhana basshysy Arman Musabekovtiń aıtýynsha, óte qysqa merzim zaman talabyna saı gospıtal salyndy. Gospıtal barlyq zamanaýı tehnıkamen jabdyqtaldy. Munda sapaly medısınalyq kómek kórsetý úshin bári bar.
Aýrýhanada 200 adamǵa arnalǵan, jansaqtaý bólimi, kishi ota jasaý bólimi, PTR-testileý zerthanasy, ekspress zerthana, kompıýterlik tomografııa, rentgenografıch, ÝZI, elektrokardıografııa men bronhoskopııa bólimderinen turady.
Modýldik bloktarda jeke sanıtarlyq torapty eki oryndyq palatalar da bar. Qajetti tehnıkalar men jıhazben tolyq jabdyqtaldy.
Máselen, gospıtalde jasandy ókpe jeldetkish 24 apparat jáne árbir adamǵa arnalǵan ottegimen qamtý júıeleri bar.
"О́kinishke qaraı, pandemııa bizge jańa ınfeksııalyq aýrýhanany salýǵa májbúr etti. Jańa gospıtaldiń salynýy- kez kelgen jaǵdaıǵa daıyn bolýymyz kerek degen sóz", - dedi oblys ákimi Ábilqaıyr Sqaqov.
Al, jańa aýrahana endi oblys ortalyǵyndaǵy Ǵ. Sultanov atyndaǵy oblystyq aýrýhananyń bólimshesi retinde qyzmet atqarady.
Ortalyqta tájirıbeli 88 dáriger, 240 orta jáne kishi sanattaǵy medqyzmetkerler eńbek etýde. Oblystyq, respýblıkalyq bıýdjetten qarjylandyrylyǵan bul jobanyń quny 7,3 mlrd teńge. Indet taralýy azaıǵan soń ortadlyq oblystyq aýrýhananyń pýlmanologııaly bólimshesi bolady.
Pavlodar oblysy
