Infeksııalyq gospıtal paıdalanýǵa berildi

Oblys ákimdiginiń málimetinshe, qazirgi ýaqytta oblystyq Jedel járdem stansasy úshin jańa 109 reanomobıl satyp alyndy. Ottegi núkteleriniń sanyn jyl basyndaǵy jaǵdaımen salys­tyrǵanda alty esege kóbeıtý kózde­lip otyr. О́kpeni jasandy tynystandyrý appa­rat­tarynyń sany eki ese ósse, endi qarasha aıynyń ortasyna deıin úsh esege artady. О́ńirde qosymsha eki PTR-zerthana iske qosyldy, jospar boıynsha taǵy eki zerthana ashý kózdelgen. Sonymen qatar 580 medısına qyzmetkerinen turatyn kadrlyq qor quryldy. Oblys kúzdegi tolqynǵa tolyǵymen daıyn bolsa, mamandar turǵyndardy bosańsyp ketpeýge shaqyrdy. О́z ımmýnıtetterin kóterip, tumaý men JRVI-ge qarsy ekpe salýdy usyndy, qazir 80 myńǵa jýyq turǵyn tumaýǵa qarsy vaksına aldy. О́ńirlik taýarlar men kórsetiletin qyzmetterdiń sapasy men qaýipsizdigin baqylaý depar­ta­mentiniń málimetinshe, KVI juq­tyr­ǵan 4 115 adamnyń rastalǵan jaǵ­da­ıy tirkelgen.

Aldaǵy ýaqytta bolýy múmkin KVI-diń ekinshi tolqynyna daıyndyq aıasynda oblysta medısınalyq uıymdardyń resýrstyq qamtylýy, dárigerlerdi qaıta daıarlaý men turǵyndardy tumaýdan erte vaksınalaý sharalary qolǵa alynýda. Oblystyń 212 dárihanasyna 2,8 mln qyzýdy tómendetetin jáne vırýsqa qarsy preparattar jetkizildi. Bul halyqtyń osy dárilerge degen úsh aılyq qajettiligin óteýge jetetin mólsher.

Al jýyrda oblys ortalyǵynyń shet­ki aýmaǵynda jaz aıynda qurylysy bas­talǵan modýldi ınfeksııalyq aýrý­ha­na paıdalanýǵa berildi. Aýrýhana basshysy Arman Musabekovtiń aıtýynsha, emdeý orny óte qysqa merzimde zaman talabyna saı salyndy. Barlyq zamanaýı tehnıkamen jabdyqtaldy. Munda sapaly medısınalyq kómek kórsetý úshin barlyq jaǵdaı jasalǵan.

– О́kinishke qaraı indettiń taralýy jańa ınfeksııalyq aýrýhana salýǵa májbúr etti. Jańa gospıtaldyń salynýy – kez kelgen jaǵdaıǵa daıyn bolýymyz kerek degen sóz. Ekinshiden, táýlik boıy birneshe aýysymda jumys istegen qurylysshylarǵa alǵys aıtamyz, – dedi oblys ákimi Ábilqaıyr Sqaqov aýrýhananyń ashylý sátinde.

Oblystyq, respýblıkalyq bıýdjetten qarjylandyrylǵan bul jobanyń quny – 7,3 mlrd teńge. Aýrýhana 200 adamǵa arnalǵan, jansaqtaý bólimi, kishi ota jasaý bólimi, PTR-testileý zerthanasy, ekspress-zerthana, kompıý­ter­lik tomografııa, rentgenografııa, ÝZI, elektrokardıografııa men bronhoskopııa bólimderinen turady. Modýldik bloktarda jeke sanıtarlyq torapty eki oryndyq palatalar da bar. Qajetti tehnıka jáne jıhazben tolyq jabdyqtaldy. Gospıtalda ókpeni jasandy tynystandyratyn 24 apparat jáne árbir adamǵa arnalǵan ottegimen qamtý júıeleri jasalǵan. Jańa aýrýhana oblys ortalyǵyndaǵy Ǵ.Sultanov atyndaǵy oblystyq aýrýhananyń bólimshesi retinde qyzmet atqarady. Ortalyqta tájirıbeli 88 dáriger, 240 orta jáne kishi sanattaǵy medısınalyq qyzmetker eńbek etýde. Indet taralýy azaıǵan soń ortalyq oblystyq aýrýhananyń pýlmanologııa bólimshesi bolady.

– Infeksııalyq aýrýhana medı­sı­na­­lyq kómek kórsetý úshin jańa jab­dyq­tarmen, onyń ishinde kompıý­ter­lik to­mografpen, sıfrlyq rentgen-appa­ratpen, barlyq palatalarǵa orta­lyqtan­dyrylǵan ottegi jetkizý júıe­simen jáne ókpeni jasandy tynystandyratyn 24 apparatpen jabdyqtalǵan, – deıdi Arman Musabekov.

Pavlodar oblysy