«Shańyraq» baıqaýynyń qorytyndysy

Qazaqstan halqy Assambleıasynyń halyqaralyq medıa-forýmy aıasynda Mádenıet jáne aqparat mınıstrligi etnojýrnalıs­tıka salasyndaǵy «Shańyraq» shyǵarmashylyq konkýrsynyń qorytyndysyn shyǵardy.

Qazaqstan halqy Assambleıasynyń halyqaralyq medıa-forýmy aıasynda Mádenıet jáne aqparat mınıstrligi etnojýrnalıs­tıka salasyndaǵy «Shańyraq» shyǵarmashylyq konkýrsynyń qorytyndysyn shyǵardy.

Sharaǵa Qazaqstan halqy Assam­bleıasy Tóraǵasynyń orynbasary – Qa­zaqstan halqy Assambleıasy Hatshy­lyǵynyń meńgerýshisi Eraly Toǵjanov, Parlament Senaty men Májilisiniń depýtattary, jýrnalıs­ter, etnomádenı birlestikter ókilderi qatysty.

Bıyl «Shańyraq» baıqaýy bes nomınasııa boıynsha ótkizildi: Qazaqstan qoǵamynda etnosaralyq kelisimdi nyǵaıtýǵa baǵyttalǵan úz­dik maqalalar, tele jáne radıo­baǵ­darlamalar; qazaq­standyq patrıo­tızmdi nyǵaı­týda­ǵy memlekettik rámizderdiń rólin kór­set­ken úzdik ma­qa­lalar, tele- jáne radıo­baǵ­dar­lamalar; Qazaqstan halqy Assam­bleıasynyń qyzmetin túsindirý boıynsha úzdik maqalalar, tele- jáne radıobaǵdarlamalar; qazaqstandyq etnostardyń mádenıetteri men dás­túr­lerin damytýǵa baǵyttalǵan úzdik maqalalar, tele- jáne radıo­baǵ­­darla­malar; memlekettik tildiń rólin joǵarylatýǵa baǵyttalǵan úzdik ma­­qa­lalar, tele- jáne radıo­baǵ­darlamalar.

Baıqaý ústimizdegi jyly alǵash ret onlaın rejimde ótti. Ár tilek bildirýshi Mádenıet jáne aqparat mınıstrliginiń saıtynda tirkelýge múmkindik aldy. Nomınasııalar jó­nin­degi jeńimpazdar onlaın daýys berý jáne konkýrstyq komıssııanyń máji­listeri qorytyndylary boıynsha anyqtaldy.

Saıtta respýblıkalyq jáne óńirlik buqaralyq aqparat quraldarynyń redaksııalarynan jáne jýrnalısterden 61 tapsyrys tirkeldi. Olar 209 jarııa­lanymnan, 56 telebaǵdarlama men 8 radıobaǵdarlamadan quraldy.

«Qazaqstan qoǵamynda etnos­ara­lyq kelisimdi nyǵaıtýǵa baǵyt­talǵan úzdik maqalalar, tele- jáne radıobaǵdarlamalar» nomınasııasynda onlaın daýys berý nátıjesi boıynsha «Qazaqstan-Qaraǵandy» telearnasynyń redaktory Áshimhan Jampeıisov, konkýrstyq komıssııanyń sheshimi boıynsha «Akmolınskaıa pravda» gazetiniń tilshisi Nına Mıtchınova jeńimpazdar bolyp tanyldy.

«Qazaqstandyq patrıotızmdi ny­ǵaıtýdaǵy memlekettik rámizderdiń rólin kórsetken úzdik maqalalar, tele- jáne radıobaǵdarlamalar» nomınasııasynda onlaın daýys berý nátıjesi boıynsha «Astana» ra­dıo­­stan­sasynyń júrgizýshisi Shákim Janbolat, konkýrstyq komıs­sııanyń sheshimi boıynsha Qazaq­stan Res­pýb­lıkasy Prezıdenti teleradıo­kesheniniń bas dırektory Erlan Bek­hojın jeńimpazdar bolyp tanyldy.

«Qazaqstan halqy Assambleıasynyń qyzmetin túsindirý boıynsha úzdik maqalalar, tele- jáne radıo­baǵ­dar­lamalar» nomınasııasynda onlaın daýys berý nátıjesi boıynsha Qyrǵyz etnomádenı birlestiginiń tóraǵasy Shavkat Ismaılov, konkýrstyq komıs­sııanyń sheshimi boıynsha Gúljamal Ametbakıeva jeńimpazdar bolyp tanyldy.

«Qazaqstandyq etnostardyń máde­nıetteri men dástúrlerin damytýǵa baǵyttalǵan úzdik maqalalar, tele- jáne radıobaǵdarlamalar» nomınasııasynda onlaın daýys berý nátıjesi boıynsha Ońtústik Qazaqstan obly­synyń Arys qalasyndaǵy J.Baı­ǵut­tıev atyndaǵy óner mektebiniń oqytý­shysy Temirhan Ábdikov, konkýrstyq komıssııanyń sheshimi boıynsha Soltústik Qazaqstan oblysyndaǵy «7 arna» jýrnalısi Olga Vıtýkevıch jeńimpazdar dep tanyldy.

«Memlekettik tildiń rólin joǵa­ry­latýǵa baǵyttalǵan úz­dik maqalalar, tele- jáne radıo­baǵdarlamalar» nomı­nasııasynda onlaın daýys berý nátıjesi boıynsha Shym­kent qalasyndaǵy «Ernur» korpora­sııasynyń jýrnalısi Nurken Toqaev, konkýrstyq ko­mıssııanyń sheshimi boıynsha «Novostı Prııshımıa» gazeti redaksııasy dırek­torynyń orynbasary, jýrnalıst Marına Petrova jeńimpazdar dep tanyldy.

Etnosaralyq qarym-qatynas jáne mádenıetaralyq únqatysý salasyndaǵy memlekettik saıasatty kórsetýdegi jetistigi úshin, sondaı-aq, Qazaqstanda turatyn qazaq halqy men etnostardyń mádenıetterin, dástúrlerin nası­hattaǵany úshin konkýrstyq komıssııa erekshe maqtaý qaǵazymen «Jańaózen» gazetiniń tilshisi Muratbaı Ulyqpan men «Astana» radıosynyń tilshisi Olga Ashojınany atap ótti.

«Egemen-aqparat».