Sandra_ouz búrkenshik esimdi azamat О́skemen qalasy ákiminiń "osy sóziń úshin jaýap beresiń" dep habarlama jazǵanyn skrınshotqa túsirip jelige jarııalady.
Onyń aıtýynsha, tanysyna shahar basshysy jazbasyna synı pikir qaldyrǵany úshin osyndaı habarlama jibergen. Kóp uzamaı Jaqsylyq Omar ne sebepti solaı jazǵanyn túsindirdi.
"Keshe áleýmettik jelide meniń jeke basyma qatysty eshqandaı faktilerge súıenbeı, qur emosııamen jazylǵan pikirdi kórdim. Meni qala basshysy retinde ekijúzdi dep aıyptaý qorlyq dep sanaımyn. Árıne, ózimniń ar-namysyma tıgen mundaı dálelsiz sózdi eleýsiz qaldyra almaımyn. Onyń ústine, sol adamǵa bireýdi qorlaýdyń jaýapkershiligi bolatyndyǵy týraly eskertkenimde, ol muny qorqytý dep qabyldady. Men árdaıym dáleldi, negizi bar talaptardy tyńdaýǵa daıynmyn. Biraq barlyqtaryńyz sııaqty jeke basyma qatysty qorlyqqa shydamaımyn", dedi ol.
Ákim óz sózinde jazbasyna pikir qaldyrǵan azamatty zań aıasynda jaýapqa tartqysy keletindigin jetkizdi.
"Mundaı qorlyq atqarýshy bılik pen turǵyndar arasyndaǵy tıimdi dıalogqa jat. Sizder bul oqıǵaǵa túsinistikpen qarap, obektıvti baǵa beredi dep senemin", dedi Jaqsylyq Omar.
