Aqtóbe qalasyndaǵy Áýe qorǵanysy kúshteri áskerı ınstıtýtynyń ekinshi kýrs kýrsanttary alǵash ret aspanǵa oqý-jaýyngerlik tikushaqtarmen kóterildi. Áskerı avıasııa fakýltetiniń ekinshi kýrs stýdentteriniń ushý tájirıbesi bir jyl buryn bastalǵan. Buǵan deıin kýrsanttarǵa ekinshi oqý jylynan keıin tikushaqty basqarýǵa ruqsat etilse, endi olar ekinshi kýrstyń basynan bastap ushýdy úırenedi. Bul bilim alýshylar úshin ǵana emes, oqytýshylar úshin de erekshe sát. Instıtýttyń qolbasshylyǵy men professorlyq-oqytýshylyq quramynyń pikirinshe, bul ushý saǵattary men bolashaq ushqyshtardyń tájirıbesin arttyrýǵa yqpal etedi.
Ushý teorııadan bastalatyny belgili. Ushqysh ornyna otyrmas buryn árbir kýrsant avıasııalyq tehnıkany, tikushaqty ushýǵa paıdalaný jónindegi nusqaýdy jáne áýeaılaq aýdanyn jaqsy biletinin rastaıtyn synaqtardan ótedi.
Bul tapsyrmany birinshi bolyp oryndaǵan kýrsant Jasulan Qýanyshov ushqysh bolýynyń balalyq shaqtaǵy qyzyǵýshylyǵymen tyǵyz baılanysty ekenin aıtady.
«Áýe qorǵanys kúshteriniń Áskerı ınstıtýtyna túspes buryn áýe keńistigi meni qyzyqtyratyn. Bala kezimnen ózimdi ushaqtyń ushqyshy retinde elestettim. Mektepte fızıka pánin oqyp, tikushaqtyń jumys isteý prınsıpine qyzyǵýshylyq tanyta bastadym. Bul prosess meni qatty qyzyqtyrdy, sondyqtan áskerı Áýe kúshteri ınstıtýtyna túsip, áskerı avıasııa fakýltetin tańdadym», dedi kýrsant.
Áýe tehnıkasyn nusqaýshy aspanǵa kóteredi. Kýrsanttardyń sol sátti este saqtaýy kerek, al elementterdiń birin basqarýdy tájirıbeli ushqyshtyń basshylyǵymen júzege asyrady.
Mı-8 tikushaǵy jerden birneshe metrge kóterilip, qatyp qaldy. Endi kýrsant Baıbolsyn Saǵyndyqov ushý jattyǵýlaryn pysyqtaýdy úırenýi kerek. Syrttan qaraǵanda tapsyrma ońaı sekildi kórinýi múmkin. Alaıda is júzinde salmaǵy jeti tonnaǵa jýyq tikushaqty durys qalypta ustap turý ońaı sharýa emes ekenin oqytýshylar men kýrsanttar da aıtady.
Áýege alǵash kóterilgen kýrsant B.Saǵyndyqov bul sáttiń áserli bolǵandyǵy sonshalyq, ómirimdi osy kásipke arnaǵym keletinin birden túsindim deıdi.
«Bul – meniń ómirimdegi alǵashqy ret ushýym. Birinshi ret tikushaqqa jaqyndap, ony aınalyp ótip, ushý aldyndaǵy tekserýden ótip, ushqyshtyń jumys ornyna otyrdym. Ushý 15 mınýtqa sozyldy, bul ýaqyt men úshin erekshe ótti. Keýdemdi tolqynys sezimi kernedi. Kólikke otyrǵannan keıin óz ómirimdi avıasııamen, aspanmen máńgi baılanystyratynymdy túsindim», deıdi kýrsant.
Kýrsanttarmen oqý-jattyǵý ushýlaryn oqytýda kóp jyldyq tájirıbesi bar úshinshi synypty ushqysh, kapıtan Vladımır Shalaı oryndady. Onyń aıtýynsha, alǵashqy ushý tek kýrsant úshin ǵana emes, nusqaýshy úshin de mańyzdy. Kýrsanttyń birinshi reıstegi kóńil kúıi men is-áreketteri onyń ózdiginen usha alatyndyǵyn birden anyqtaıdy eken.
