Jobanyń maqsaty azamattyq qoǵam ókilderine bıýdjet qarajatyn josparlaý men jumsaýda qoǵamdyq saraptama júrgizý máselelerinde, sondaı-aq jeke qarjyny saýatty josparlaýda járdemdesý.
Osylaısha, joba iske qosylǵan sátten bastap Ashyq bıýdjetterdiń ınteraktıvti kartasy arqyly qoǵamdyq baqylaýshylar taýarlardy, jumystar men qyzmetterdi shekti deńgeıinen joǵary quny boıynsha satyp alýdy anyqtap, olardyń iske asyrylýyn toqtatty.
Nátıjesinde, elimizdiń 8 óńirinde únemdelgen qarajat somasy shamamen 33 mln teńgeni qurady.
Bıýdjet qarajatynyń tıimsiz paıdalanylýyn anyqtaýdyń jekelegen keısteri Agenttiktiń aýmaqtyq departamentteriniń áleýmettik jelilerdegi resmı paraqshalarynda tikeleı efırler barysynda taldanýda.
Jalpy, memlekettik organdar ókilderi, tájirıbeli zańgerler men jurtshylyqtan qurylǵan 25-ten astam sarapshynyń qatysýymen bıýdjet qarajatyn jumsaý tıimdiliginiń monıtorıngi jáne derbes qarjylyq saýattylyqty arttyrý boıynsha 50 onlaın-keńes ótti.
Sonymen qatar, bıýdjet qarajatynyń jumsalýyna qoǵamdyq saraptama júrgizýge azamattardy keńinen tartý úshin óńirlik kásipkerler palatasy, qoǵamdyq keńes, kásipodaq uıymdary, «NurOtan» partııasy jáne Arnaıy monıtorıngtik toptardyń ókilderinen jalpy sany 83 belsendi azamat bastaǵan «Ashyq bıýdjet» óńirlik klýbtary quryldy.
Árbir nıet bildirýshi Ashyq bıýdjetterdiń ınteraktıvti kartasy arqyly (publicbudget.kz) bıýdjet qarajatynyń maqsatqa saı paıdalanylýyna qoǵamdyq saraptama júrgizýge tikeleı qatysyp, eldegi jemqorlyq deńgeıin tómendetýge óz úlesin qosa alady.
