Mysaly, "Abaı mektebi" men jazýshylar qaýymy arqa súıeıtin tirek bolatyn orda ashylýy kerek. Sondaı-aq sansyz babtar mekeni Saıramnyń tyń qupııalaryn ashyp, tylsym tarıhyn zertteý usynyldy. Túrkistandy ýaqyt talaby qajet etetin ulttyq kodtan aýytqymaı otyryp damytý eske salyndy.
О́ńirdiń jaı-kúıi, mádenıet, rýhanııat, bilim, týrızm salalary, óner men tildiń ahýaly áńgime arqaýyna aınalyp, keleli keńeske ulasqan basqosý barysynda zııalylar óz usynys-tilekteri men oılaryn búkpesiz ortaǵa saldy. Al tarıh ǵylymdarynyń doktory, professor Jambyl Artyqbaev Saýrandaǵy kóneden qalǵan káriz joldary jaıly sóz etti. Áli kúnge deıin saqtalǵan aýmaqty qaıta jandandyryp, ádemi dúnıege aınaldyrýdy usyndy. Bul kárizdi Úndistannan ákelingen quldar nemese ırandyqtar jasaǵan, degen boljam bar. "Ystyq ólkelerde qashan da káriz qudyqtary paıdalanylǵan. Kárizden shyqqanda Alańbulaq degen bulaq bar. Alańbulaqtan Túrkistanǵa deıin onshaqty qudyqtyń izi jatyr. Sý Alańbulaqqa deıin kelip Túrkistanǵa jerasty joldarymen jetken. "Túrkistan jaýgershilik zamanda qalaı qorǵandy" desek, osy sýdyń arqasynda qorǵanyp otyrǵan. Aýyldyń Káriz atanyp ketkeni de sodan bolǵan. Jer asty sýlaryn bir orynǵa jınap, ony jer betine shyǵaryp, sharýashylyqqa paıdalaný úshin kólbeı qazylǵan qýys arna – kárizge jaýapty adamdar da bolǵan. Mine bul da bir Túrkistannyń erekshe qupııalarynyń biri, dedi Jambyl Omaruly.
Sáken Qalqamanov kezdesýde aıtylǵan barlyq usynystardy nazarǵa aldy. Zııaly qaýym ókilderine qurmet kórsetip, syı-sııapat jasady. Sondaı-aq "Alataý medıa-ortalyǵyn" aralap, Túrkistan tórinde ornatylǵan hakim Abaıdyń jańa eskertkishine barǵan zııalylar uly aqyn músininiń ereksheligine joǵary baǵasyn berdi.
