Qazirgi kezde bul jerlerdiń 134 myń gektary memleket menshigine qaıtarylyp, 258 myń gektar jer ıgerile bastady. Al, 273 myń gektar, ıaǵnı óńirdegi aýyl sharýashylyq alqaptyń 4 paıyzy áli bos jatyr. Bul týraly memlekettik kirister organdaryna paıdalanylmaı turǵan jer alqaptary týraly málimetter berildi. Budan basqa sot sheshimimen kepil berýshiniń bereshegin óteýge jatatyn, sonyń saldarynan paıdalanylmaı turǵan jerlerdi aınalymǵa engizý úshin basqarma men jergilikti ákimdikter ınvestorlar tartýǵa daıyndalýda. Nátıjesinde, bos jatqan jerlerdiń aýmaǵy 84 myń gektardan 65 myń gektarǵa deıin qysqardy.
Basqarmasy basshysynyń orynbasary Bolat Medeýulynyń aıtýynsha, paıdalanylmaı bos jatqan jerlerdiń basym bóligi Ertis, Aqtoǵaı jáne Jelezın aýdandaryna tıesili. Negizi, jerdi paıdalanýshylarmen túsindirý jumystary qoldanystaǵy zańnamalarǵa sáıkes júrgiziledi. Ákimshilik jaýapkershilikke tartý, jer salyǵynyń mólsherlemesin arttyrý sharasy qoldanylady. Biraq, qarjy tapshylyǵynan kóktemgi dala jumystaryn atqarýǵa múmkindigi az sharýashylyqtar óz erikterimen bas tartty. Ol jerler endi memleket menshigine ótedi. Mysaly, óńirdegi Ertis aýdanynda kepildikte turǵan 15 myń gektar jer jýyrda qoldanysqa berildi.
Jerdiń ıeleri, ıańnı, jańa paıdalanýshylar bul jerdegi topyraqty óńdep, kelesi jyly egýdi josparlap otyr. Dál osylaı Aqtoǵaı aýdanynda 3,5 myń gektar jer paıdalanýǵa berilip, aldaǵy ýaqytta taǵy 23 myń gektar jerdi ıgerilmek.
Oblystyń jer paıdalanýshylaryna alańdardy tıimdi paıdalaný tártibi, qoldanystaǵy jaýapkershilik sharalary, onyń ishinde aıyppul ( «Ákimshilik quqyq buzýshylyq týraly» kodeksiniń 338 baby) jáne paıdalanylmaǵan jaǵdaıda jer salyǵyn 10 ese artyq tóleý týraly, «Salyq jáne bıýdjetke tólenetin basqa da mindetti tólemder týraly» Kodeksiniń 509 baby) týraly zań talaptary túsindirildi.
"Aýyl sharýashylyǵy jerlerin paıdalaný tıimdiligin arttyrý úshin oblystaǵy qalalyq jáne aýdandyq ákimdiktermen birlesip, belsendi jumys júrgizilýde.Maqsat – sharýa qojalyqtarynyń ıelerin jerlerdi utymdy paıdalanýǵa yntalandyrý jáne olardyń turyp qalýyna jol bermeý",-deıdi basqarma mamandary
Pavlodar oblysy
