Osy jyldyń 5 shildesinen bastap jarııalanǵan karantın shekteýleriniń oryndalýyn qamtamasyz etetin monıtorıngtik mobıldi toptar jumysy nátıjesinde búgingi kúnge deıin 758 quqyq buzýshylyq anyqtaldy.
О́tken senbiniń keshinde Qyzylorda qalasynyń 35 jastaǵy turǵyny 60 adamdy jınap, úılený toıyn ótkizgen. Kelesi kúni Aral aýdanynda da 40-50 adamnyń basyn qosqan toı ótkizilgeni anyqtaldy.
Sonymen qatar, osy kúni Jańaqorǵan aýdany, Ekpindi aýylynyń turǵyny karantın talaptaryn saqtamaı, shamamen 100-deı adam jınap, kókpar uıymdastyrǵan. Bul derekter boıynsha ákimshilik hattama rásimdelip, tıisti oryndarǵa joldandy.
Qazan aıynyń 15 – nen bastap Polısııa departamentiniń qyzmetkerleri prokýratýra qyzmetkerlerimen birlesip "Qaýipsiz qala" jedel-profılaktıkalyq is-sharasyn ótkizýde. Shara barysynda tynyshtyqty buzý jáne Qazaqstan Respýblıkasy zańnamasynyń alkogol ónimin ótkizý jónindegi talaptaryn buzý derekteri anyqtalyp, zań sheńberinde ákimshilik hattamalar toltyryldy.
Sondaı – aq, polıseıler qala aýmaǵynda ornalasqan kompıýter klýbtarynyń birinde túngi mezgilde oınap otyrǵan 4 kámeletke tolmaǵandy anyqtady. Olardyń ata – analaryna aıyppul salyndy.
