Barlyq oblystaǵy qalalarda 2018-2019 jyldar aralyǵynda Kóshi-qon qyzmeti ortalyqtary ashylǵan bolatyn. Sol jerde eńbek mıgranttary "bir tereze" qaǵıdasy boıynsha eńbek patentterin rásimdep keldi.
Bul Ortalyqtarda kóshi-qon, PD-niń krımınalıstıkalyq qyzmeti, Memlekettik korporasııanyń qyzmetkerleri, sondaı-aq medısınalyq uıymdar, saqtandyrý kompanııalary jáne ekinshi deńgeıli bankterdiń qyzmetkerleri ornalasqan, elektrondy kezekter engizilgen. Jumysty osylaısha uıymdastyrý eńbek mıgranttaryna ruqsat rásimdeý merzimin birneshe kúnnen 2-3 saǵatqa deıin qysqartýǵa múmkindik berdi jáne turǵyndarǵa kórsetiletin memlekettik qyzmetti alý burynǵysynan da yńǵaıly bola tústi.
IIM azamattardyń oń pikirlerin eskere otyryp, "Azamattarǵa arnalǵan úkimet" Memlekettik korporasııasymen birge aǵymdaǵy jyly elimizdegi barlyq Halyqqa qyzmet kórsetý ortalyqtary arqyly eńbek mıgranttaryna patent rásimdeý boıynsha pılottyq jobany júrgizýge kiristi.
Sol úshin HQKO-nyń aqparattyq júıesi IIM kóshi-qon qyzmetiniń júıesimen biriktirildi. Osylaısha «bir tereze» arqyly bastapqy jáne ázir qujattardy berýdiń tártibi ońtaılandyryldy.
Sonyń nátıjesinde HQKO arqyly 18 myń 500-den astam patent rásimdelip, berildi.
Aǵymdaǵy jylǵy 1 qarashadan bastap memlekettik qyzmetti kórsetýdiń osyndaı tásilin barlyq HQKO-da paıdalaný josparlanyp otyr.
