Osyndaı alaıaqtyqtyń taǵy bir faktisi Zerendi aýdanynda tirkeldi. 5 qazanda jergilikti polısııa bólimine 53 jastaǵy áıel aryzdanǵan. Onyń aıtýynsha, 29 mamyrda onyń atyna belgisiz bireý 75 myń teńge somaǵa onlaın qaryz resimdegen. Nátıjesinde, onyń barlyq múlki tárkilendi jáne onyń aqshalaı shottary da buǵattaldy, barlyq jaǵdaılardy anyqtaý úshin jábirlenýshi dereý polısııaǵa júginýge sheshim qabyldady.
Atalǵan fakti boıynsha polısııa Qazaqstan Respýblıkasy QK 190-baby 1-bóligi (Alaıaqtyq) boıynsha sotqa deıingi is júrgizýdi bastady. Júrgizilgen jedel-izdestirý is-sharalarynyń nátıjesinde tártip saqshylary Nur-Sultan qalasynda turatyn 20 jastaǵy áıeldi anyqtady. Ol óz kinásin tolyq moıyndady. Belgili bolǵandaı, kúdikti jábirlenýshiniń kelini bolǵan. Osy jyldyń mamyr aıynda kelini kúıeýiniń týystaryna qonaqqa kelip, qart áıeldiń barlyq qujattaryna qol jetkizdi. Oǵan shuǵyl túrde aqsha kerek bolyp, onlaın qaryzdy rásimdeýdi sheshti. Alaıda, bereshekti tóleýdi umytyp ketken, osyndaı jaǵdaı bolatynyn oılamaǵan.
Polısııa qyzmetkerleri, ókinishke oraı, bul oqıǵa oblysta birinshi jaǵdaı emes ekenin atap ótti. Jyl basynan beri polısııaǵa osyǵan uqsas faktiler boıynsha 300-den astam azamat júgingen. Barlyq jaǵdaılarda alaıaqtar qujattardyń derektemeleri jáne bank kartalary boıynsha onlaın qaryzdar resimdegen, olardy jábirlenýshilerdiń ózderi usynǵan. Kóbinese alaıaqtar shaǵyn nesıe uıymdary jeke tulǵanyń durystyǵyn tekserý rásimin júrgizbeıtindigin jáne usynylǵan qujattar, onyń ishinde joǵalǵan qujattar boıynsha nesıelerdi beretindigin paıdalanady.
Polısııa departamenti osyndaı faktilerdiń aldyn alý maqsatynda turǵyndardy sergek bolýǵa, jeke qujattardyń, bank kartalarynyń, CVV-kod pen parolderdiń derbes derekterin messendjerler men áleýmettik jeliler arqyly bermeýge shaqyrady.
