Túsken habarlama boıynsha aýdandyq polısııa bóliminiń jeke quramy, aýdandyq bilim bóliminiń qyzmetkerleri, kent turǵyndarynan jasaqtalǵan eriktiler izdestirý jumystaryna kiristi. Aýdannyń barlyq aýyldary men dalalyq joldary, vokzal mańy, orman alqaptary túgel qamtyldy.
Birigip júrgizilgen jumystar nátıjesinde bala tańǵy saǵat 5:30 shamasynda tabyldy. Tártip saqshylary óz qyzmetterin minsiz oryndap, balany anasyna tapsyrdy. Jasóspirimniń úıden ketý sebepteri anyqtalyp jatyr.
"Kóp jaǵdaıda balalardy kezekshi táýlikte izdep tabamyz. Balanyń isin shalalyq deýge de bolady. Kóbine olar dostarymen oınap, ketetin jaǵyn ata – anasyn eskertpeı jatady. Búgingi sátti aıaqtalǵan izdeý jumystaryna qatysqandardyń barlyǵyna alǵysymdy bildiremin",- deıdi Qazaly aýdandyq polısııa bóliminiń bastyǵy, polısııa podpolkovnıgi Sábıt Arynov.
