Kezdesýdi Qazaqstannyń ózekti áleýmettik-saıası jáne sybaılas jemqorlyqqa qarsy reformalary týraly sholý beınerolıgin kórsetýden bastaǵan Alık Shpekbaev jemqorlyqty azaıtý men saıası transformasııa arasyndaǵy ajyramas baılanysty atap ótti.
«Prezıdent parlamenttik oppozısııanyń quqyqtyq mártebesin retteýden, jala jabýdy qylmystyq sıpattan aryltýdan, saıası partııalardy tirkeýdi jeńildetýden jáne olardyń tizimine áıelder men jastar úshin 30% kvota engizýden, beıbit jınalystar ótkizýdi lıberızasııalaýdan bastalǵan eldi saıası jańǵyrtýǵa erekshe nazar aýdarady. Ásirese, bıýrokratııalyq kedergiler men memlekettik organdardyń áreketsizdiginen azamattardyń quqyqtary men bıznesti qorǵaýdyń senimdi kepiline aınalatyn, 2021 jyldan bastap iske qosylatyn rásimdik-prosestik kodeksten erekshe áser kútilýde. Jaqyn arada iske asyrylatyn aýyl ákimderin saılaý, qoǵamdyq baqylaý týraly zańdy qabyldaý, azamattardyń usynystary úshin onlaın-petısııalardy engizý bastamalary – júrgizilip jatqan saıasattyń qısyndy jalǵasy», - dep málimdedi Agenttik tóraǵasy.
Qor ókilderi júrgizilip jatqan reformalarǵa joǵary qyzyǵýshylyq tanytyp, Qazaqstannyń jemqorlyq pen demokratııa deńgeıiniń arasyndaǵy tikeleı baılanysty túsinýiniń mańyzdylyǵyn atap ótti.
Atap aıtqanda, Eýrazııa boıynsha óńirlikúılestirýshi Hans-Ioahım Shpanger tıimdi qoǵamdyq baqylaý men jýrnalısterdiń qorǵalýyn sybaılas jemqorlyqqa qarsy kúrestiń mańyzdy faktorlary dep atady.
«Jala jabýdy qylmystyq sıpattan aryltýtýraly sheshim shynaıy demokratııaǵa bastaǵanmańyzdy qadam jáne azamattar men BAQ-tyń jemqorlardy áshkereleýge keńinen qatysýyn qamtamasyz etýge múmkindik beredi», - dep basa aıtty Shpanger myrza.
Qordyń bas sarapshysy Haýke Hartman jáne onyń áriptesteri 2019-2020 jyldarǵa arnalǵan «Transformasııa ındeksi» zertteýi aıasynda Qazaqstannyń kezekti sholýyn daıyndaýdy eskere otyryp, mundaı tanystyrý prezentasııalarysarapshylarǵa júrgizilgen reformalar men aldaǵy strategııanyń keleshegine tereń taldaý júrgizýge kómektesetinin atap ótti.
Hartman myrza «Halyq únine qulaq asatyn memleket» saıasatynyń halyqaralyq kommýnıkasııalar úshin de ózekti ekenin atap ótti: «... qandaı da bir memlekettiń belsendilik deńgeıi neǵurlym joǵary bolsa, eldik baǵalaý da obektıvti ári ashyq bolady. Bul turǵyda Qazaqstanǵa laıyqty baǵa berý kerek».
Bertelsman qorynyń sybaılas jemqorlyqqa qarsy saıasattyń tıimdiligi jónindegi sońǵy esebiniń qorytyndysy boıynsha Qazaqstan óz kórsetkishin 2 balǵa jaqsartyp, bul jetistiktiń halyqaralyq qoǵamdastyq tarapynan oń qabyldanyp jatqanyn atap ótken jón.
