“ABAI” MURAJAI- KABINETI AShYLDY

Almatydaǵy Qazaq ulttyq pedagogıkalyq ýnıversıteti “Abaı aıtady...” atty aksııany bastap, “Abaı” murajaı-kabınetin ashty. Bul kúnderi atalmysh ýnıver­sı­tette aqynnyń adamı, rýhanı, jalpy adamzattyq qundylyq­taryn ǵylymı negizdeý, ony nası­hattaý, halyqtyń ıgiligine asyrý jáne jas urpaqty osy turǵyda tárbıeleý maq­satynda aıta­rylyq­taı ister atqa­ry­lyp júr. Ulty­­myzdyń ustazdar qaýymyn daıar­lap jatqan oqý orda­synda elimizde tuń­ǵysh ret “Abaı­taný” ǵylymı-zert­teý orta­lyǵy ashylyp, ol uly oı­shyl­dyń rýhanı muralaryn júıe­leý ju­my­symen tyńǵylyqty aına­lysýda. Sol sııaqty stýdentter ara­synda respýblıkalyq “Abaı­taný” dáris­terin ótkizý qolǵa alynǵan. Máselen, qabyrǵada qazdaı tizilgen Abaı óleńderi de ónegesi­men oıǵa jeteleıdi. Abaıtaný ǵyly­mı-zertteý ortalyǵyn ýnı­ver­sıtet ujymy uıymdastyrýdy qolǵa alǵanda kóp pikirlesip, onyń basy-qasynda aqynnyń shyǵarma­shylyǵyn tereń biletin oqymys­tylardyń bolǵany durys degen paıymǵa kelgen. Ol – abaıtaný­shy ǵalym Mekemtas Myrzahmetuly. Saltanatty tusaýkeserdi ashqan Abaı atyndaǵy QazUPÝ rektory Serik Pirálıev: – Bul jaı ortalyq emes. Urpaq úshin úlken mindet atqaryp, paryzyn óteıtin ortalyq. Biz osy ortalyq arqyly aldymyzǵa maqsat qoıdyq. Ýnıversıtet stý­dentt­eri ótken oqý jylynan bastap abaı­tanýdy pán retinde oqı bastady. Bir aıta keter­ligi, ony tek fılologtar ǵana emes, basqa fakýltettiń stý­dent­teri de oqıdy. Biz nesıe bóldik. Sondyq­tan, ashylyp otyrǵan ortalyqqa kóp mindet júkteledi. Aldymen ýnıver­sıttiń 15 myń stý­denti úshin oqýlyq­tar men ádis­temelik quraldar daıyn­daý qajet. Jáne Abaı babamyzdyń eńbekterin zertteý jumystaryn jandandyra­tyn kez jetti, – dedi. Ýnıversıtettiń taǵy bir jetis­tigi, elimizde birinshi bolyp ulttyq tárbıe atty pándi oqytýdy qolǵa alǵan. Jáne bul maqsatqa 4 nesıe bólinip otyr. Aınash ESALI, Almaty.