Оқиға • 28 Қазан, 2020

Шырайлы «Шығыс әлемі»

42 рет көрсетілді

Ұлттық музейде Қазақстан Республикасының еңбек сіңірген қайраткері, Суретшілер Одағының мүшесі Ахмет Ахаттың 65 жасқа толған мерейтойына орай «Шығыс әлемі» көрмесі ашылды.

Шараның мақсаты – қазір­гі заманғы суретшілердің шығар­машылығындағы тарихи сюжеттер мен Шығыс колоритінің сабақтастығын көрсету.

Көрменің ашылу салтанатында Ұлттық музей директоры А.Мұхамедиұлы, Қазақстан Республикасының Мәжіліс депутаты Е.Шаймардан, «Қазақстан ұйғырларының республикалық этномәдени орталығы» қоғам­дық бірлестігі Нұр-Сұлтан қала­лық филиалының төрағасы Р.Абдусаламов сөз сөйлеп, қыл­қалам шеберінің отандық бейнелеу өнерін дамытудағы қосқан үлесін атап өтті.

А.Ахат 1974 жылы Алма­ты қала­сындағы Қазақ педаго­ги­калық институтының Көркем­сурет-графика факультетін бі­тір­­ген. 1995 жылы Ташкент қа­­­­ласындағы «Азия арт» көр­ме­сінде алтын медальға ие болды. «Ильхам» премиясының лау­реаты, «Мәдениет саласының үз­дігі», Гиннесс рекордының ие­­гері, сонымен қатар Лондон­да­ғы аукцион көрмесінің қатысу­шысы.

Суретшінің жұмыстары Ә.Қас­теев атындағы мемлекеттік өнер музейінде, Мәскеудегі мем­­лекеттік шығыс өнер мұ­ра­­жайында, «Ақ Орда» резиден-

циясында және Германия, Ита­лия, Түркия, АҚШ, Қытай елде­рінің жеке жинақтарында сақтаулы.

Ол – табиғатынан шығысқа жақын өнер иесі. Тамғалы тас­тың сюжеттерін өзінің барлық шығармашылық жұмыстарында қолданады. Бұдан басқа, тарихи әдебиет оның шабыт көзі болып қала бермек. Оған дәлел, көр­медегі жартастағы суреттер. Бұған қоса қатысушыларға көркем және графикалық туын­дыларды да ұсынды. Оның шы­ғармаларында жеке түс схемасы ерекше. Көрмедегі 100-ден аса туындыдан соны бай­қадық.

Суретшінің өнер саласындағы көптеген қызығушылықтарының ішіндегі ең тұрақтысы – петроглифтер, жартастағы суреттер, мифтік санамен өмір сүрген қола дәуіріндегі аты белгісіз сурет­шілердің символикалық іс-әрекет­терінің іздері. Ол өзінің туын­дыларына осы белгілерді жиі қосады.

Тағы бір қайталанатын сюжет – Шығыс Түркістан қалалары. Атап айтсақ, балшық үйлер, есік­тердің тар саңылаулары бар қабырғалар, қаңырап қал­ған көшелер. Осылайша шығар­ма­лары арқылы экзестенциалды жалғыздықты білдіреді.

Айта кетейік, бұған дейін автор­дың жеке көрмелері Мәс­кеу, Анкара, Генуя, Алматы, Үрімші қалаларында өткен.

Соңғы жаңалықтар

«Каспий» ҚПЛ-да қалды

Футбол • Бүгін, 08:19

«Алаш» – нағыз ұлттық идея

Оқиға • Бүгін, 08:12

Сайлаушыларға үндеу жолдады

Саясат • Бүгін, 08:11

Қайырымдылық дүкені бар қала

Руханият • Бүгін, 08:03

9 жасар баланың өмірін жалмады

Коронавирус • Бүгін, 07:59

Көптен күткен жекпе-жек

Кәсіпқой бокс • Бүгін, 07:53

Плей-офф кезеңіне шықты

Футбол • Бүгін, 07:51

Көрмедегі көркем кітаптар

Аймақтар • Бүгін, 07:45

Алып ағаш

Оқиға • Бүгін, 07:42

Торғай тарихының тағылымы

Таным • Бүгін, 07:39

Қапастағы қарсылық

Руханият • Бүгін, 07:35

Бақбақ тістеген тарих

Ең қысқа әңгіме • Бүгін, 07:31

«Теңізшевройлдан» – 825 көшет

Аймақтар • Бүгін, 07:25

Елбасы дәрісханасы ашылды

Аймақтар • Бүгін, 07:22

Дәуірден озған дара тұлға

Елбасы • Бүгін, 07:20

Ұқсас жаңалықтар