Memleket basshysynyń tapsyrmasyna sáıkes óńirlerdiń epıdemıologııalyq jaǵdaıy jáne koronavırýstyq ınfeksııanyń ekinshi tolqynyna daıyndyǵymen tanysý maqsatynda QR Premer-Mınıstriniń orynbasary Eraly Toǵjanov jumys saparymen Atyraý oblysynda boldy.
Jedel keńeste Atyraý oblysynyń ákimi óńirdiń COVID-19 ekinshi tolqynyna daıyndyǵy týraly baıandady.
Keńes qorytyndysy boıynsha E.Toǵjanov óńir basshylyǵyna epıdemıologııalyq ahýaldy, halyqty jáne medısınalyq mekemelerdi dári-dármekpen, sondaı-aq О́JJ apparattary jáne ottegi konsentratorlarymen qamtamasyz etilý máselelerin erekshe baqylaýda ustaýdy tapsyrdy.
Sondaı-aq, óńir basshylyǵyna karantın rejımin saqtaý qajettiligi týraly halyq arasynda túsindirý jumystaryn kúsheıtý tapsyryldy.
Jumys saparynyń barysynda vıse-premer 200 tósektik modýldi juqpaly aýrýlar aýrýhanasy qurylysynyń barysymen tanysty, oblysty dári-dármekpen qamtýdaǵy turaqtandyrý qoryna jáne aımaqtyń dárihana jelilerine 42 ataý boıynsha dárilik zattardy jetkizetin «Ińkár» JShS qoımasynyń jumysymen tanysty.
Sondaı-aq, E. Toǵjanov Atyraý qalasynyń № 4 emhanasynda boldy. Búgingi kúni óńirde birinshi bolyp kelýshilerdiń dene qyzýyn avtomatty túrde ólsheıtin robotty iske qosqan emhanada 343 medısına qyzmetkeri jumys isteıdi.
Sonymen qatar, E.Toǵjanov óńirde «Jumyspen qamtýdyń 2020 - 2021 jyldarǵa arnalǵan jol kartasy» baǵdarlamasy aıasynda júrgizilip jatqan alty jolaqty avtojoldyń qurylys jumystarynyń sapasymen jáne 600 oryndyq mektep qurylysynyń barysymen tanysty.
