Rekordty 2 aı ishinde salynǵan bul medısınalyq mekeme koronavırýs ınfeksııasyn juqtyrǵan naýqastarǵa arnalǵan. Sharaǵa Almaty qalasy ákiminiń orynbasary Erjan Babaqumarov, qalanyń bas ımamy Erkinbek Shoqaı jáne Almaty qalalyq klınıkalyq balalar juqpaly aýrýlar aýrýhanasynyń bas dárigeri Erjan Seralın qatysty.
Qalanyń bas ımamy Erkinbek Shoqaı qaıyrymdy azamattardyń atynan ottegi konsentratorlaryn tapsyra otyryp, Qazaqstan musylmandary dinı basqarmasynyń bastamasymen "О́mirge úmit syıla" qaıyrymdylyq aksııasy jarııalanǵanyn atap ótti.
"Biz Almaty qalasynyń turǵyndarynan tórt mıllıon teńgeden astam qarajat jınadyq jáne jaqynda ashylǵan balalar juqpaly aýrýlar aýrýhanasynyń fılıalyna 14 ottegi konsentratoryn aldyrdyq. Bul bizdiń bir ekendigimizdi, eldiń aýyzbirshiliginiń, yntymaǵynyń bir ekendigin bildiretin bastamalardyń biri dep esepteımiz", dedi Erkinbek Shoqaı.
О́z kezeginde Almaty qalasy ákiminiń orynbasary Erjan Babaqumarov aldyńǵy shepte júrgen barlyq dárigerler men medısına qyzmetkerlerine alǵysyn bildirdi, sondaı-aq QMDB Almaty fılıalynyń megapolıstiń koronavırýs pandemııasymen jalpy kúresine qosqan úlesin atap ótti.
Búgingi tańda Almatyda medısınalyq uıymdardyń koronavırýs pandemııasynyń ekinshi tolqynyna daıyndyǵy qamtamasyz etildi. 32 kovıdti stasıonar ázirlendi, olardyń qýattylyǵy – 7226 tósek-orynǵa arnalǵan, sonyń ishinde 250-i reanımasııalyq. Sońǵy aıda tórt jańa emhananyń qurylysy aıaqtaldy, onyń ishinde 300 orynǵa eseptelgen jańa modýldi stasıonar – qalalyq klınıkalyq balalar juqpaly aýrýlar aýrýhanasynyń fılıaly bar. Qalalyq klınıkalyq balalar juqpaly aýrýlar aýrýhanasynda 48 О́JJ apparaty, 98 ottegi konsentratory bar. Qalanyń medısınalyq mekemelerinde barlyǵy 1050 ottegi konsentratory bar. Qosymsha konsentratorlar pasıentterdi ottegi núktelerimen qamtýdy keńeıtýge múmkindik beredi.
