Aýksıondar elektrondy formatta ótedi

Onyń ishinde operatordy anyq­taý talaptary, aýksıon ót­kizý erejeleri jáne jer qoı­naýyn paıdalaný quqyǵyn berý jónin­degi komıssııa týraly ereje qamtylǵan.

Vıse-mınıstrdiń aıtýynsha, vedomstvo kómirsýtekter bo­ıyn­sha jer qoınaýyn paıdalaný quqyǵyn berýge arnalǵan elektrondy aýksıondar operatorynyń ınternet-resýrsyn paıdalana otyryp, elektrondy nysanda aýksıon ótkizý qaǵıdalaryn bekitti. Bıýdjet qarajatyn únemdeý maq­satynda qajetti qyzmeti bar qol­danystaǵy aqparattyq nysandardy (platformalardy) paıdalaný máse­lesi sheshildi.

Talapqa sáıkes, elektrondy aýksıon operatory retinde – jar­ǵy­lyq kapıtalyna memleket 100% qatysatyn «Aqparattyq-esepteý ortalyǵy» AQ aıqyndaldy.

«Qatysýshy, ınvestor, áleýet­ti ótinim berýshi elektrondy aýksıonǵa qatysý úshin aýksıon­dy ótkizýge ótinish berýi tıis. О́ti­nish elektrondy túrde beri­ledi. Bul bıylǵy sıfrly qoltań­banyń kómegimen engizilgen jańalyq­tardyń biri. О́tinish jer qoınaýyn paıdalanýdyń memlekettik qo­ryn basqarý baǵdarlamasyna engizil­gen ýchas­keler boıynsha beriledi. Bul baǵdar­lama Indýstrııa já­ne ın­fra­qurylymdyq damý mı­nıstr­liginiń buıryǵymen beki­tiledi. Qazir onda jer qoınaýyn paıdalaný quqyǵyn berý úshin 82 ýchaske kórsetilgen. О́ti­nish ke­lip túskennen keıin Ener­ge­tıka mınıstrligi 20 jumys kúni ishinde osy ótinishterdiń barly­ǵyn qaraıdy jáne oń sheshim qa­byl­­danǵan jaǵdaıda ınternet-resýrs­ta habarlama jarııalanady», dedi J.Jahmetova.

Mindetti sharttarǵa qazaq­standyq kadrlardy oqytý, ǴZTKJ-ǵa jumsalatyn shyǵyndar, olar­­men júrgiziletin jumystar jáne jergilikti qamtý jatady. Habarlama jarııalanǵannan keıin áleýetti ótinish berýshi saýda-sat­tyqqa qatysýǵa elektrondy túr­de ótinish berip, jarna tó­leıdi. Búginde onyń mólsheri 100 AEK quraıdy, bul – shamamen 277 myń teńge.

«Qatysýshylar saıtta tirke­lip, nómir alady jáne aýksıon za­lyna elektrondy aýksıondar ótkizilgenge deıin bir saǵat buryn kiredi. Bul óte mańyzdy. О́ıtkeni aýksıon kezinde kirmese, ol ótpeýi múmkin. Aýksıon baǵany arttyrý arqyly ótedi. Biz bastapqy jazylym bonýsyn usynamyz jáne sodan keıin baǵa ósip otyrady. Qatysýshylar óz baǵalaryn usy­nady. Erejelerde aýksıon qadamynyń qalaı ósetinin sı­pattadyq. Mysaly, aǵymdaǵy ja­zylý bonýsy 20 myń AEK-ke teń nemese odan az bolsa, onda aýksıonnyń kelesi qadamy 25%-ǵa, odan ári 20, 15, 10 jáne 5%-ǵa ulǵaıady. Al aýksıon jeńimpazy anyqtalǵan kezde, ol kelisken qol qoıý bonýsyn tóleıdi, sodan keıin onymen kelisimshart jasalady», dedi vedomstvonyń ókili.

Jańa erejege sáıkes, alǵashqy aýksıon 23 jeltoqsanda Nur-Sul­tan ýaqytymen saǵat 10.00-den 17.00-ge deıin ótedi. Saýda-sat­tyqqa 400 mln teńgege qol qoıý bonýs­tarynyń jalpy bastapqy mólsheri bar 10 munaı-gaz ýchas­kesi shyǵarylady. Olardyń tu­tastaı aýdany – 29 myń sharshy shaqyrymdy quraıdy.