Antyna adal serjant

Osynaý qıyn-qystaý sátte osy saladaǵy áriptesterimiz óz qarýlastary jáne áskerdiń negizgi quramy – jaýyngerlerdi atalǵan vırýstan qorǵaýǵa jan­talasa qyzmet etip júr. Myń jerden bul olardyń ber­gen sertine sáıkes mindeti desek te, aq halattylardyń vırýs­ty juq­tyrý qaýpi joǵary ekenin eskersek, bul naǵyz jankeshtilik qyzmet der edik. Osy baǵytta talmaı eń­bektenip jatqan mamannyń biri kishi serjant Nursultan Noǵaev. Ol  2014 jyldan bas­tap Jańaózen qalasynda or­na­lasqan 5548 áskerı bólimi 3-jedel maqsattaǵy rotasynda sanıtarlyq nusqaýshy bolyp qyzmet etedi.

Nursultan  Qyzylorda oblysyna qarasty Aral aýdanynda  dúnıege kelgen. Aral­daǵy orta mek­­­­­tepti, sosyn Qyzylorda qa­la­­­syn­da­ǵy «О́rkenıet» me­dı­sı­na­lyq kol­ledjiniń «Emdeý isi» fakýl­tetin sátti aıaqtady.

Mamandyǵy boıynsha ju­mysqa kirispes buryn, «Men eń birinshi kezekte azamat re­­tinde Otan aldyndaǵy bo­ryshymdy óteý – negizgi min­detim» dep, óz qalaýymen ás­kerge attandy. Qysqa mer­zimdik áskerı qyzmetin Otar qalashyǵyndaǵy 30212 áskerı bólimde abyroımen atqardy.

Nursultan 2011 jyldyń qarasha aıynda Qyzylorda qalasyndaǵy  «Aıdan munaı» kompanııasyna feldsher bolyp jumysqa ornalasyp, jas mamandy ujym jyly qarsy alyp, qoldarynan kelgenshe kómekterin aıaǵan joq.

Jastyń aty jas emes pe, asqan yjdahattylyqpen, yntamen ol da barynsha ózin jaq­sy qyrynan kórsetti. Et­ken eńbegi elenip, qyzmet etken jyl­darynda qalalyq je­del medısınalyq járdem stan­sasy ákimshiligi, qalalyq den­saý­lyq saqtaý bólimi, ob­lys­tyq densaýlyq saqtaý depar­tamenti tarapynan alǵys hattarmen jáne dıplomdarmen marapattaldy.

Alaıda sonaý bala kezinen dáriger bolýdy armandaǵan Nursultan mamandyǵyn endi áskerı ómirmen ushtastyryp, ózin áskerı medısınada syna­ǵysy keldi. 2012 jyly Ulttyq ulannyń Jem qalasyndaǵy  6655 áskerı bóliminde kelisim­shart boıynsha beket bastyǵy, ıaǵnı saqshy  bolyp áskerı qyzmet jolyn bastady.

Al 2014 jyldan bastap Jańaózendegi 5548 áskerı bó­li­miniń 3-jedel maqsattaǵy ro­tasynyń sanıtarlyq nusqaý­shysy laýazymynda búginge deıin qyzmetin minsiz atqaryp keledi.

Nursultan ujymǵa jańadan kelgende baǵyt-baǵdar berip, erekshe yqylas tanytqan sol kezdegi medısınalyq pýnkti­niń bastyǵy, aǵa leıtenant Qudaı­bergen Bekmyrzaevqa, bar bilgenin úıretip, ár­daıym onyń bilikti medısı­na qyzmetkeri retinde qalyp­tasýyna kómek kórsetip júr­gen bólimniń medısınalyq qyzmetiniń bastyǵy, medısına qyzmetiniń aǵa leıtenanty Jeńis Narymbetovke degen alǵysy sheksiz. Osy áske­rı dárigerlerdiń arqa­syn­da óz salasynyń qyr-sy­ryn meńgerip, kásibı tur­ǵy­da je­tilgenin úlken rızashy­lyq­pen aıtady.

Nursultan Tastemiruly úshin Jańaózen shahary bú­ginde týǵan ólkesindeı bolyp ketken. Oǵan osy qa­la­nyń kóshe tazalyǵy, túzý nıet­ti­ tur­ǵyndary men tileý­les árip­­­­tes­teri unaıdy eken. Bul jóninde ózinen suraǵa­ny­myzda:

– Maǵan Jańaózen qalasy birden unady, sebebi aýa raıy bizdiń Syr eliniń aýasyna uqsaıdy eken. Osynda kelip, mamandyǵym boıynsha áskerı medısına qyzmetin atqaryp jatqanyma qýanyshtymyn. Dáriger retinde aldyma kel­gen áskerı qyzmetshige ár­daıym jyly qabaq tanytyp, olar­dyń janyna batqan dert­ti sezinemin. Aq halattydan kó­­mek suraǵan ár jannyń or­nyna ózimdi qoıyp, onyń kómekke qanshalyqty zárý eke­nin túsinemin. Osylaısha meıirim tanytyp, qolymnan kelgen em-domdy jasap, aýrýdan tez arada aıyǵýyna qoldan kelgenshe kómegimdi aıamaımyn. Áskerı bólim ujymynda óte saýatty jandar jeterlik. Olarmen eshqashan daýys kó­terip sóılesken emespin. Ár­daıym sypaıylyq tanytamyn. Dárigerlerdi kópshilik aq halatty abzal jandar dep syılap jatady. Sondyqtan osy syılastyqqa biz ábden laıyqty bolýymyz kerek, – deıdi ol.

Mine, osyndaı ustanymmen qyzmet etetin kishi serjant Nursultan Noǵaevqa sarbazdar da óte rıza. Oǵan árdaıym alǵys bildirip jatady.

Mine, jeke quramnyń ja­nyna demeý bolyp, Gıp­po­kra­tqa bergen antyna kir kel­tirmeı, aq halatty abzal jan atyna laıyq eńbek etip júr­gen kishi serjant Noǵaev sekil­di naǵyz áskerı medısına mamanyn biz de kópke úlgi etýdi jón kórdik.

Erbolat MERSAIYNULY,

podpolkovnık