Bosańsýǵa bolmaıdy!

О́ńirde vırýs juqtyrǵandardy oqshaýlaıtyn jańa modýldi ınfek­sııalyq aýrýhana salynyp, iske qosyl­ǵan bolatyn. Qazir munda 5 myń­nan astam tósektik-oryn daıyn tur. «Jaman aıtpaı, jaqsy joq» degen, indettiń salqyny balalardy shar­pyǵan jaǵdaıda qol qýsyryp qal­maý úshin de qam jasalyp jatyr. Oblysta balalarǵa arnalǵan eki COVID ortalyǵy qurylǵan. Bul or­talyqtarda bir mezgilde 400 jetkin­shek em qabyldaı alady.

Jalpy, indettiń ekinshi tolqynyna daıyndyq aıasynda medısınalyq qural-jabdyqtardy túgendeýge oblys qazynasynan qomaqty qarjy bólin­gen. Búginde bul qar­jyǵa 3 kompıýterlik tomografııa, 150 ókpeni jasandy jeldetý apparaty satyp alynǵan. Buǵan qosymsha res­pýblıkalyq bıýdjet esebinen alyn­ǵan 120 ókpeni jasandy jeldetý apparaty da aımaqtaǵy aýrýhana­larǵa tabys etilgen. Qazir oblysta 333 ók­peni jasandy jeldetý apparaty men 1 090 dana ottegi konsentraty bar. Al ja­qyn kúnderi oblystyń «Jedel jár­dem» stansasynyń ıeligine 180 jańa kólik berilmek. Osylaısha, oblys­taǵy alǵashqy medısınalyq kómek kór­setetin jedel kólikterdiń jetis­peý­shi­ligi sheshimin tappaq. Iаǵnı oblysta jedel járdem brıgadasynyń sany 165 kólikten 205 kólikke deıin kóbeıdi.

Aıtpaqshy, Almaty oblysynda bıyl 17 densaýlyq saqtaý nysanynyń qurylysy júrip jatyr. Buǵan 12,9 mlrd teńge qazyna qarjysy bólingen. Munan bólek, aýdandardaǵy 7 aýrýhana ǵımaratyna kúrdeli jóndeý jasalýda. Onyń quny 3 mlrd teńgege baǵalanǵan. Mysalǵa, Jambyl aýdanyndaǵy perzenthana men Kóksý aýdanyndaǵy dárigerlik ambýlatorııa iske qosyldy. Al Taldyqorǵan qalasyndaǵy qajetti zamanaýı quraldarmen jabdyqtalǵan jáne 452 medısına qyzmetkeri úshin jańa jumys orny bolǵan modýldi juqpaly aýrýlar aýrýhanasyn bólek atap ótken jón.

Sondaı-aq 1968 jyly salynyp, kúrdeli jóndeý kórmegen Eskeldi aýdandyq ortalyq aýrýhanasynyń stasıonary tolyq kúrdeli jóndeýden ótti. Aýrýhananyń reanımasııa, hırýrgııa, perzenthana, terapııa, balalar bólimshelerinde jáne ota jasaý blogynda qaıta jańartý jumystary júrgizilip, talapqa saı jańa zamanaýı medısınalyq qural-jabdyqtarmen tolyq qamtamasyz etildi. Qosymsha ortalyqtandyrylǵan ottegin taratý toraby salynǵan. Osy toraptan barlyq bólimshelerdegi palatalarǵa jeli tartylyp, ottegi tasymaldaý núkteleri jasalǵan eken. Iаǵnı koro­na­vırýstyń ekinshi tolqyny týyn­daǵan jaǵdaıǵa aýdandaǵy aýrýhana indetpen kúresýge tolyǵymen daıyn.

– Oblysta indetpen kúreske jergilikti bıýdjetten 13 mlrd teńge bólinse, onyń 8,1 mlrd teńgesi ekinshi tolqynǵa daıyndyqqa jumsalýda. Bul qarjyǵa 3 kompıýterlik tomograf, 18 rentgen apparaty, 150 ókpeni jasandy jeldetý apparaty jáne basqa da medısınalyq qural-jabdyqtar satyp alyndy. Sonymen qatar demeýshiler kómegimen 31 ókpeni jasandy jeldetý apparaty, 510 ottegi konsentratory, 22 sanıtarlyq avtokólik, 208,3 myń jeke qorǵanys quraldary alyndy, – deıdi oblystyq densaýlyq saqtaý basqarmasynyń basshysy Ádilbek Nııazymbetov.

Dárigerlerge demeý men qoldaý kórsetý isinde de aımaqta biraz ilkimdi jumys bar. Qazirge deıin 5 362 mamanǵa 4,7 mlrd teńge somasynda ústemeaqy tólengen eken. Jáne taǵy 1 123 qyzmetkerge jergilikti bıýdjetten jalpy somasy 137 mln teńge bolatyn syıaqy berilgen. Al medısına mamandarynyń turǵyn úı máselesin sheshý úshin bıyl 756 mln teńge bólinip, oǵan 127 páter satyp alynypty. Jyl sońyna deıin taǵy 64 dáriger baspanamen qamtamasyz etilmek. Buıyrsa, kelesi jyly Taldy­qorǵan qalasynda tek medısına qyzmetkerleri úshin 60 páterli turǵyn úı salynady.

– Oblysta qajetti dáriger maman­dar­dyń tapshylyǵy bar ekeni ras. Biz osy kadr jetispeýshiligin boldyrmaýǵa jyl saıyn kóńil bólip otyrmyz. Almatydaǵy S.Asfendııarov atyn­daǵy Qazaq ulttyq medısına ýnıver­sı­te­timen birlesip, maman daıyn­daý maqsatynda 274 dárigerdi oblys qarjysyna oqyttyq. Jas maman­dar­dyń baspana máselen sheshý úshin bıyl 756 mln teńgege 127 páter satyp alyndy, jyl sońyna deıin taǵy 64 mamandy baspanamen qamtamasyz etemiz. Kelesi jyly medısına qyzmetkerleri úshin Taldyqorǵanda 60 páterli turǵyn úı salynatyn bolady. Sol sııaqty 5 362 maman 4,7 mlrd teńge soma­synda ústemeaqy aldy, 1 123 qyz­metkerge jergilikti bıýdjetten jal­py somasy 137 mln teńge bolatyn syıaqy berildi. Jalpy, aımaqta indet­tiń ekinshi tolqynyna daıyndyq jumys­tary erekshe baqylaýda, – deıdi oblys ákimi Amandyq Batalov.

Almaty oblysy