2 myńǵa jýyq kómek berildi

Túrkistan oblysynyń ákimi О́mirzaq Shókeevtiń bastamasymen qolǵa alynǵan «Qamqorlyq» jobasy Saryaǵash aýdanyna qarasty Darbaza aýyldyq okrýginde jal­ǵa­syn tapty. Aýyldyq okrýg­te­gi janashyr kásipkerler men aýyl jastary demeýshilik jasap, kómekke muqtaj taǵdyr taýqymetin tartqan jandardyń biri, 8 balanyń anasy Ryskúl Torybaevaǵa 6 bólmeli úı salyp berdi. Jaqsylyqqa um­tyl­ǵan jandar arqyly basybaıly baspana buıyrǵan otba­syn­daǵy balalardyń qýany­shyn­­da shek joq. Jyldar boıǵy qıyn­dyq­tan qutylǵan ananyń aıtar alǵysy aıryqsha. Kópbalaly otbasy memleket tarapynan ataýly áleýmettik kómekpen qamtylǵan.

«Qamqorlyq» baǵdarlamasyn Nur Otan partııasynyń oblystyq fılıaly men oblys ákimdigi birlese úılestirip keledi. Igi shara turǵyndar tarapynan joǵary baǵalanyp otyr. Baǵdarlama aýdan, qalalardaǵy turmys taý­qy­metin tartqan otbasylarǵa jan-jaqty qamqorlyq kórsetý ar­qyly kedeılik sheńberinen shyǵýǵa múmkindik beredi. Mun­daı otbasylardy anyqtaý úshin qurylǵan arnaıy komıssııa qu­ra­mynda aýyl aqsaqaldary men jergilikti belsendiler bar. Keshen­di baǵdarlama aıasynda 2 myńǵa jýyq adamǵa kómek be­ril­di. Otbasylarǵa azyq-túlik, kıim-keshek, materıaldyq kómek kórsetilýde. Onyń ishinde 35 otbasyna turǵyn úı alyp berilse, 100-ge jýyq adam turaqty ju­mys­pen qamtylyp, 178 adam qo­­­­­ǵamdyq jumysqa tartylǵan.

Ákimdik pen saıası uıym tarapynan qolǵa alynǵan qaıy­rym­dylyq sharasyna qarapaıym turǵyndar da qoldaý kórsetýde. Mysaly, jýyrda Keles aýdanyna qarasty Qazaqstan aýylynyń azamattary jalǵyzbasty anaǵa baspana syılady. Jany jomart jandar mundaı ıgi isti mektep bitirgenderine 20 jyl tolýyna oraı uıymdastyryp otyr. Bes balanyń anasy Q.Sálimbaeva bas­pana ala almaı kele jatqanyna birneshe jyl bolǵan. Qamkóńil ana osyndaı qýanyshqa keneltip otyrǵan №33 «Jýantóbe» jalpy orta mektebiniń túlekterine erekshe alǵysyn bildirdi.

«Qaıyrymdylyq jasasań, qaıyryn óziń kóresiń», deıdi qazaq xalqy. Qaıyrymdylyq – izgi­li­gin, taza nıetin, adamgershilik qarym-qatynasyn kórsetetin adam­dardyń bir-birine degen súıis­pen­shiligi men kómegi. Árbir aza­mat óz eline, týǵan jerine qashan da qamqorlyq tanytyp júrýi kerek degen oıdamyz. Ásirese qazirgideı indet ábi­ger­ge salyp jatqanda jany jomart jandar birlesip muqtaj aza­mat­tar­ǵa qol ushyn sozyp tursa, eldi­gi­mizdi kórseter edi», deıdi mektep túlekteri.

Budan bólek, «Jýantóbe» bilim uıasynyń túlekteri qar­jy jı­nap, aýyldyq okrýg aýma­ǵyn­da­ǵy mazarattyń 250 sharshy metr aýmaǵyn qorshap, aýyldaǵy orta­lyq meshittiń aýlasy men kireberis bólmesine jóndeý jumystaryn júrgizdi.

Túrkistan oblysy