Maqsat – bárine birdeı múmkindik berý

Bıyl 11 qazanda Aqtóbe ob­ly­­­­synyń Volonterler lıgasy úlken tennısten «Ashyq júrek» kýbogynyń qaıyrymdylyq týr­nırin ótkizdi.

Volonterler qozǵalysyn ke­ńinen nasıhattaı otyryp, ha­lyqty salamatty ómir saltyn ustanýǵa shaqyrý, jastardyń bos ýaqytyn tıimdi paıdalaný, úlken tennısti damytýǵa úles qosý jáne adamdardyń qaıyrymdylyq ja­saýǵa degen nıetterin arttyrý maq­satynda ótkiziletin týrnırdiń qatysýshylary bıyl kóp boldy.

Volonterler lıgasynyń bul bastamasyn Aqtóbe qalasynyń ákimi Ashat Shaharov qoldap, týrnırdiń ashylý saltanatyna qatysty. О́z sózinde shahar basshysy qoǵamdaǵy volonterlerdiń atqaryp jatqan eńbeginiń joǵary deńgeıde ekenin atap ótip, barlyq qatysýshyǵa alǵysyn bildirdi.

«Búgingi týrnırdiń ótýi aqtó­belikterdiń kez kel­gen jaǵ­daıda shet qalmaı­tyn­dyǵynyń dáleli dep túsinemin. Biz árdaıym kómek qolyn sozýǵa daıynbyz. Aramyzda tek sózben emes, ispen dáleldeıtin azamattarymyzdyń sany kóp, bul – bizdiń aýyzbir­shiligimizdiń kórinisi. Qoǵamdaǵy muqtaj jandarǵa qa­shan­da kó­mek kórsetýge daıynbyz, qol­ushyn berip qatarymyzǵa tar­­­­tý­ǵa asyqpyz. Bizdiń kúshimiz – bir­­lik­te», dedi qala ákimi Ashat Shaha­rov.

Qaıyrymdylyq týrnırine 50-ge jýyq adam qatysýǵa nıet bildirdi. Barlyq qatysýshylar 2-3 myń teńge kóleminde jarna tólep, úsh topqa bólinip baqtaryn synady. Alǵashqy topta biryńǵaı erler, ekinshi topta áıelder bolsa, úshinshi top volonterlerden quraldy. Bir kún kóleminde ótken jarysta barlyq qatysýshy belsendilik tanytyp, sportqa degen ynta-jigerin kórsetti. Atalǵan qaıyrymdylyq týrnı­rinen túsken barlyq qarajat Volonterler lıgasynan kómek suraǵan muqtaj otbasylarǵa aýda­rylady.

Aıta keteıik, bul Volon­ter­ler lıgasynyń bastamasymen ót­kizilip otyrǵan alǵashqy sport­tyq shara emes. Buǵan deıin de áýes­qoılar arasynda osyndaı fýtbol jáne voleıboldan týrnırler ótkizilgen bolatyn.

Osy oraıda jastar arasynda volonterlik bastamalardy il­geriletýge baǵyttalǵan «Ashyq jú­­rek» jobasy Aqparat jáne qo­ǵamdyq damý mınıstrliginiń qol­daýymen «Azamattyq bastamalardy qoldaý ortalyǵy» KeAQ mem­lekettik granty aıasynda júzege asyrylyp jatqanyn aıta ketken jón.