Sport • 29 Qazan, 2020

Jetinshi kezeńde ekinshi boldy

220 ret
kórsetildi
1 mın
oqý úshin

Velosporttan Ispanııada ótip jatqan «Výelta» velokópkúndiginiń jetinshi jarys kúni máresine jetti. Bul kezeńde «Astana» komandasynyń ókili máre syzyǵyn ekinshi bolyp kesti.

Jetinshi kezeńde ekinshi boldy

Vıtorııa jáne Vıllanýeva de Valdegovııa qalalarynyń arasynda ótken jetinshi jarys kúninde 34 jastaǵy kanadalyq veloshabandoz Maıkl Výds (EF Pro Cycling) top jardy. Ol 159,7 shaqyrymdy 3 saǵat 18 mınýt 16 sekýndta júrip ótti. Výdstan 4 sekýnd qalyp qoıǵan «Astana» komandasynyń sportshysy Omar Fraıle ekinshi oryndy ıelense, ıspanııalyq Alehandro Valverde (Movistar Team) úshinshi orynǵa taban tiredi.

Jeti kezeńniń qorytyndysy boıynsha jalpy esepte ekvadorlyq Rıchard Karapas (Team INEOS Grenadiers) kósh bastap keledi. Al «Astana» ókilderinen eń jaqsy nátıje Gorka Isagırre (14-oryn) men Aleksandr Vlasovqa (21-oryn) tıesili.

 

Sońǵy jańalyqtar