Oryn alǵan suhbat barysynda qazaqstandyq dıplomat D.Hıorleıge QR Prezıdenti Qasym-Jomart Toqaevtyń jyly lebizderi men izgi tilekterin jetkizdi. Elshi Aýstralııa Qazaqstan úshin Ońtústik-Shyǵys Azııa men Okeanııadaǵy mańyzdy seriktesteriniń biri bolyp tabylatynyn atap ótip, eki el arasyndaǵy dostyq qatynastardy nyǵaıtýǵa bar kúsh-jigerin salatynyna sendirdi.
A.Arystanov Qazaqstan-Aýstralııa qatynastarynyń odan ári keńeıýi úshin aıtarlyqtaı áleýeti bar ekenin atap ótti. COVID-19 qaramastan, iri aýstralııalyq kompanııalar qazaqstandyq naryqqa belsendi túrde kirýde. Aldaǵy 2-3 jylda Qazaqstan ekonomıkasyna 55 mıllıon AQSh dollardan astam ınvestısııa quıylady dep kútilýde. Taý-ken salasy, aýyl sharýashylyǵy, sý resýrstaryn utymdy paıdalaný, tehnologııalar transferti jáne halyqaralyq bilim berý sııaqty salalardaǵy yntymaqtastyqtyń keleshegi zor.
О́z kezeginde D.Hıorleı A.Arystanovty Qazaqstan Respýblıkasynyń Aýstralııa Odaǵyndaǵy Elshisiniń qyzmetine kirisýimen quttyqtap, ony shekaralar ashylǵannan keıin óz eline sapar shegýge shaqyrdy. General-gýbernator elderimizdiń halyqaralyq uıymdar sheńberindegi ózara qoldaýyn atap ótti jáne Qazaqstandy aýqymdy saıası jáne ekonomıkalyq jetistikterimen quttyqtap, saýda-ekonomıkalyq jáne ınvestısııalyq seriktestikti keńeıtýge, sondaı-aq kópjaqty trektegi yntymaqtastyqty tereńdetýge ózara qyzyǵýshylyq bildirdi.
