“Brakoner” jedel-aldyn alý is-sharasy aıasynda Túrkistan oblysynyń PD tabıǵat qorǵaý polısııasynyń ınspektorlary jabaıy janýarlardy zańsyz aýlaý faktisin anyqtady. Atap aıtqanda ótkizilgen reıdter kezinde Báıdibek APB polıseıleri Alǵabas kentiniń mańynda borsyq aýlaǵan Shymkent qalasynyń turǵynyn ustady.
Tártip saqshylary brakonerden borsyqty alyp, mán-jaıdy anyqtaý úshin azamatty polısııa bólimine jetkizdi. Quqyq buzýshyǵa qatysty polıseıler QR ÁQBtK-niń 382-baby 1-bóligi (Janýarlar dúnıesin paıdalaný talaptaryn jáne ań aýlaý qaǵıdalaryn buzý) boıynsha ákimshilik hattama toltyrdy. Shymkent qalasynyń turǵynyna 10 aılyq eseptik kórsetkish kóleminde ákimshilik aıyppul salyndy.
Esterińizge sala keteıik, Respýblıka aýmaǵynda tabıǵatty qorǵaý zańnamasy salasyndaǵy qylmystar men quqyq buzýshylyqtardy, onyń ishinde brakonerlikti, bıologııalyq resýrstar obektileri men ónimderiniń zańsyz aınalymyn anyqtaýǵa jáne ekologııalyq qylmystardy ashýǵa baǵyttalǵan “Brakoner” jedel-aldyn alý is-sharasy ótkizilýde. Atalǵan jedel-aldyn alý is-sharasy 2020 jyldyń 11 qarashasyna deıin jalǵasady.
