"Qajetti nusqaýlar ázirlendi. Internet-resýrstarda jalpy pánder boıynsha 7 014, arnaıy pánder boıynsha 6 177 beınesabaq, 19 415 ádistemelik usynystar, 40 763-ten astam praktıkalyq tapsyrmalar bar, myńnan astam muǵalimder biliktilikterin arttyrý kýrstarynan ótti. Bilim berýdi modernızasııalaý ortalyǵy TjKB oqytýshylaryna arnalǵan oqý úderisin jaqsartý maqsatynda apta saıyn vebınarlar men konsýltasııalar ótkizedi", - dedi Sh.Qadyrova.
Sondaı-aq búgingi kúnge deıin qalanyń barlyq kolledjderinde dırektordyń vırtýaldy qabyldaýy jáne oqytýshylarǵa, stýdentterge, ata-analarǵa onlaın-keńes berý shtaby quryldy. Kolledjderge Platonus, Google Classroom, Edu page, sonymen qatar Moodle, Sova jáne basqalary sııaqty bilim berýdiń aqparattyq resýrstary 100% qoljetimdi.
"Sanıtarlyq normalardy saqtaý týraly aıtar bolsaq, barlyq kolledjder men jataqhanalarda sanıtarlyq tazartqyshtar, týnnelder ornatylǵan, búginde dezınfeksııalaý quraldarynyń qory jetkilikti. Kompıýteri joq barlyq oqytýshylar men stýdentter kolledjder ýaqytsha paıdalanýǵa beretin jabdyqtarmen qamtamasyz etilgen", - dep túsindirdi Sh.Qadyrova.
Kompıýteri men ınternet-resýrstary joq ózge qalalyq stýdentter jataqhanalarǵa ornalastyrylyp, olar úshin oqýǵa qolaıly jaǵdaılar jasalǵan.
