Jańartylǵan baǵdarlamada birinshi kezeńdi iske asyrý barysynda anyqtalǵan kemshilikterdi eskerý qajet.
"Bul jerde óńirlerge bólinetin qarajattardy sapaly ári tıimdi bólý jóninde sóz bolyp otyr. Tikeleı maǵynasynda aqshany jelge ushyrýǵa nemese "óz" kompanııalaryna kelisimsharttardy bólip berýge jol berilmeýi tıis. Qarajattardyń bir bóligin mıkro nesıe berýge jumsaýǵa bolady. Úkimet pen Ulttyq bank 1 jeltoqsanǵa deıin naqty usynystar berýi tıis. Ulttyq palata daǵdarysqa qarsy sharalardy ázirleý men olardy iske asyrýda birshama qoldaý kórsetkenin atap ótkim keledi. Medısına tilimen aıtsaq, biz birlese otyryp problemaǵa durys dıagnoz qoıyp, emdeýdiń qajetti sharalaryn qabyldaı aldyq", dedi Prezıdent.
Eske sala ketsek, Memleket basshysy "Atameken" ulttyq kásipkerler palatasynyń VII sezine qatysty.
