О́rt tún ortasynda bastalǵan. Ony jasóspirim qyz bala birinshi baıqaǵan. Tura sala ózi jatqan bólmeniń terezesin syndyryp, 5, 6 jáne 9 jastaǵy baýyrlaryn birinen soń birin syrtqa alyp shyqqan. Basqa bólmede jatqan sheshesin qoıý tútin arasynan taba almapty. Keıin órt sóndirýshiler 37 jastaǵy kelinshekti qolyna telefon tutqasyn ustaǵan kúıinde syrtqy esiktiń aldynan taýypty.
– Sharafýtdınov kóshesindegi №5/2 úıdiń janyp jatqany jóninde habar Jánibek aýdandyq órt sóndirý qyzmeti kezekshi-dıspetcherlik bóliminiń pýltine 27 qazan kúni saǵat 02.12-de tústi. О́rt sóndirýshiler eki páterli úıdiń ekinshi bóligin qyzyl jalynnan saqtap qaldy. Aldyn ala boljam boıynsha órt elektr jabdyǵyn paıdalaný kezinde qaýipsizdik erejesin saqtamaýdan shyqqan bolýy múmkin, – deıdi Batys Qazaqstan oblystyq Tótenshe jaǵdaılar departamentiniń bastyǵy general-maıor Jasulan Jumashev.
Tórt saǵat ishinde órt tolyq sóndirildi. О́rt sóndirýge 7 qyzmetker, 2 arnaıy kólik qatysqan.
О́kinishtisi, balalardyń anasy, 1983 jyly týǵan Aıda Tóleýova tútinge qatty ýlanyp qalǵan eken. Aýrýhanaǵa jedel jetkizilgenimen, esin jımastan qaıtys bolǵan. Otaǵasy jol qurylysynda «KamAZ» júk kóligin júrgizedi, oqıǵa kezinde jumysta bolǵan.
Batys Qazaqstan oblystyq Tótenshe jaǵdaılar departamenti jasóspirim qyzdyń janqııarlyq erligin memlekettik nagradaǵa usynamyz dep otyr.
Batys Qazaqstan oblysy
