Salystyrmaly túrde aıtsaq, byltyr bul kórsetkish 87,23% bolsa, 2020 jyldyń basynda 90,7%-dy qurady. О́tken jyly memlekettik qyzmetterdi elektrondy formatqa kóshirýdiń 2019 jylǵa arnalǵan josparyna sáıkes 10 qyzmet, 2020 jyldyń alǵashqy jartysynda 2 qyzmet avtomattandyryldy.
Atap óteıik, memlekettik qyzmetterdi elektrondy formatqa kóshirý prosestiń tyńǵylyqty tehnıkalyq daıyndyǵynyń arqasynda júzege asty.
Osylaısha, qazir Mınıstrlikte barlyq memlekettik qyzmetti elektrondy formatta alýǵa bolady.
Aıta keteıik, Mınıstrlik qyzmetterdi avtomattandyryp qana qoımaı, olardyń bárin tek elektrondy formada usynýǵa umtylady. Eger 2019 jyly 28 qyzmet elektrondy formada ǵana kórsetilse, qazir qyzmetterdiń 88%-y (37 qyzmet) elektrondy formada, ıaǵnı qaǵaz túrindegi balamasyz usynylady.
Endi Mınıstrlik memlekettik qyzmetterdi damytý úshin bıznes-prosessterdi ońtaılandyrý jáne bıometrıkalyq aýtentıfıkasııa tehnologııasyn engizýdi qolǵa alady.
