Is-sharaǵa Majarstannyń kórnekti qoǵam qaıratkerleri, qazaq dıasporasynyń ókilderi, sol eldegi joǵary oqý oryndarynda bilim alyp jatqan qazaqstandyq stýdentter, sondaı-aq qazaq tili men ádebıetin oqyp jatqan jáne qazaq mádenıetine qyzyǵýshylyq tanytqan majar stýdentteri qatysty.
Elshi Jánibek Ábdrashov óziniń alǵy sózinde Ortalyqty ashýdyń maqsaty qazaq mádenıetin, óneri men ádebıetin nasıhattaý, sondaı-aq qazaq dıasporasy ókilderi men majar stýdentterine qazaq tili men ádebıetin, sonymen birge olardy ulttyq mýzykalyq aspaptarda oqytýda kómek kórsetý bolyp tabylatynyn atap ótti.
Is-shara barysynda stýdent jastardyń ókilderi Abaıdyń óleńderi men ánderin, sondaı-aq "Qara sózderinen" úzindilerdi qazaq jáne majar tilderinde oqydy.
