Bas memlekettik sanıtarlyq dárigerdiń qaýlysyna sáıkes olardyń barlyǵy tıisti zerthanalyq zertteýler júrgizý úshin karantın stasıonaryna jetkizilýi kerek.
Alaıda, áýejaıda Qazaqstan Respýblıkasynyń eki azamaty mamandardyń olardy karantın stasıonaryna jetkizý áreketterine qarsylyq bildirip, koronavırýs ınfeksııasyna PTR testileýden ótýden bas tartty.
"50 jastaǵy erli-zaıypty Mınskiden PTR sertıfıkatsyz keldi. Olar test tapsyrmaýǵa tıis dep sanaıdy. Memlekettik sanıtarlyq dárigerdiń qaýlysy bar, onda shetelden qajetti anyqtamalarsyz ushatyn jolaýshylarǵa qoıylatyn talaptar naqty jazylǵan. Polısııa departamenti, TKSQBD ókilderi osy erejelerdi túsindirdi, biraq olar testileýden bas tartty. Eger olar PTR synaǵynan ótip, teris nátıje almasa, aýrýhanadan shyǵarylmaıtynyn túsinýi kerek", deıdi №3 kópsalaly qalalyq aýrýhana dırektory Juldyz Danbaeva.
Karantın stasıonarynda loboratorlyq zertteýden ótken jáne KVI úshin teris nátıje kórsetken osy reıstiń barlyq jolaýshylary úılerine jiberildi.
Sonymen birge, taldaý nátıjeleri boıynsha Mınskiden ushyp kele jatqan bir jolaýshyda KVI anyqtalǵanyn habarlaımyz. Ol qalalyq juqpaly aýrýlar aýrýhanasyna jetkizildi. Onda ol koronavırýstyq ınfeksııany emdeý hattamasyna sáıkes em alady. Jaqyn baılanysta bolǵan eki adam úı jaǵdaıyndaǵy karantınge alyndy.
Barlyǵy bir túnde 3 halyqaralyq reıs keldi. Onyń ishinde 30 jolaýshynyń PTR sertıfıkaty bolmaǵan.
