Bul rette aýdandaǵy baq kólemi 4200 ga, onyń 464 gektary bıyl egilgen. Al jalpy ótken jyldyń qorytyndysy boıynsha Almaty oblysynda baqtardyń jalpy kólemi 23,5 myń gektardy qurady, sonyń ishinde 2 myń ga ıntensıvti baqtardy qosqanda alma baqtary – 14,1 myń ga. Bıylǵy jyly 139 myń tonna jemis-jıdek, sonyń ishinde 92 myń tonnadan astam alma jınaý josparlanǵan.
Uıǵyr aýdany ákimdiginiń aıtýynsha, baq ósirýmen aınalysatyn sharýashylyqtyń basym bóligi ylǵal saqtaý tehnologııasyna belsendi túrde kóshýde. Búgingi kúni aýdanda 372 ga baqta tamshylatyp sýarý jelisi júrgizilgen. Sol qatarda alma men dándi jemister ósiretin «Alma Prodex» JShS da bar. Seriktestiktiń alma baǵynyń kólemi - 25 ga. Almanyń «Golden Delıshes», «Fýdzı», «Brebýren», «Florına», «Gala», «Grenı Smıtt», «Red Chıf» sııaqty joǵary ónim beretin tanymal sorttary ósirilýde. Bul sorttar, sondaı-aq, dárýmenge baı, tasymaldaýǵa jáne saqtaýǵa shydamdy. Alma baqtary tamshylatyp sýrarý júıesi arqyly sýǵarylady. Aǵashtardy zaqymdanýdan jáne aýa raıynyń túrli faktorlarynan qorǵaý úshin kóshetti bekite túsýge arnalǵan arnaıy torly júıe ornatylǵan. Ol kóshetti kún sáýlesiniń joǵarǵy qarqynmen túsinen de qorǵaıdy. 
«Alma Prodex» JShS dırektory QalıahatÚksúmbaevtyń aıtýynsha, sharýashylyq jylyna 350 tonnaǵa deıin ónim alady. О́nimniń kóp bóligi otandyq naryqqa shyǵarylady. Munda turaqty jumyspen 11 adam qamtylǵan, al maýsym kezinde taǵy 30 adam jumysqa tartylady. Sol sııaqty bıylǵy jyly 24 ga jerge abrıkos otyrǵyzyldy.
Atap ótsek, jalpy aýyl sharýashylyǵy daqyldarynyń egistigi oblysta 7 myń gektarǵa ulǵaıtylyp, 969 myń gektarǵa jetkizildi. Qant qyzylshasynyń alqaby - 16 myń ga, júgeri – 87 myń ga, jańa baqtar 1,2 myń ga jerge otyrǵyzyldy.
