Osyndaı jattyǵýlar jeke quramnyń jaýyngerlik daıarlyǵyn qoldap, armııa avıasııalarynda ushýdy basqarý, áýe navıgasııalary men jaýyngerlik qoldaný tehnıkalarynyń daǵdylaryn jetildirýge yqpal etedi.
Bul jattyǵýlardy oryndar aldynda ushqyshtarmen taýly jerlerdi baǵdarlaý, jerdegi is-qımyldy pysyqtaý jáne olardy avtomattandyrýǵa keltirý jóninde sabaqtar ótkiziledi. Taýly jerlerde ushaqty basqarýdyń negizgi ereksheligi – shyǵarylǵan aýa. Atalǵan oqý-jattyqtyrý ushýlary barysynda barynsha kóp sanda ekıpajdar men tikushaqtar qatysty.
Ushqyshtar alǵash ret MI-35M tikushaǵynda ushýdy basqarý daǵdylaryn meńgerip, mashyqtaryn bekitti. Olar taý bókterin aınalyp shyǵyp, shatqaldardan ótý tehnıkasy men 2500 metr bıiktikte asýlardy baǵyndyrý, bıik taý aımaqtarynda ushý jáne qoný tehnıkalaryn pysyqtady, osylaısha ushýlardy jaýyngerlik qoldanysta oryndap shyqty.
"Ushý quramy árdaıym, kez-kelgen aýa-raıynda, kúndiz-túni jaýyngerlik daıarlyqta bolýy tıis. Ushqysh jerlerdiń ár qyrtysyn bilip, shatqaldar men ózen arnalarynda jasyrynýǵa, qajet kezinde orman shetinde búrkemelenip, sonymen qatar jeke nemese topta qajetti jaýyngerlik operasııalardy oryndaı bilýi qajet", dedi armııa avıasııasynyń ushqysh-nusqaýshysy podpolkovnık Baýyrjan Saǵyndyqov.
Ushýlar shaǵyn bıiktikter sheginde kenetten berilgen soqqylar úshin armııa avıasııasyn barynsha tıimdi qoldanýǵa, shabýyldan ketýge jáne qarsylastyń áýe shabýylyna qarsy qorǵanys júıesin baıqaýǵa múmkindik beredi.
Osyndaı jattyǵýlardy oryndaýǵa 50-den 100 metrge deıin shaǵyn bıiktikterde ushý tájirıbesi bar ushqyshtar jiberiledi.
