Italııa arqyly Fransııaǵa jetken jas jigit shirkeýde pyshaqpen eki adamnyń basyn kesip, úshinshisin birneshe ret jaraqattaıdy. Úsheýi de oqıǵa ornynda kóz jumdy. Basylymdardyń jazýynsha, Fransııa prezıdenti sóz bostandyǵyn jalaý etip, musylmandardyń quqyǵyn taptaýda. Eldegi keleńsizdikterdiń basy qazan aıynyń ortasynda bastalǵan-dy. Parıj kolledjderiniń birinde sóz bostandyǵy taqyrybyn túsindirgen muǵalim sabaq kezinde oqýshylarǵa Muhammed paıǵambardyń (s.ǵ.s.) karıkatýrasyn kórsetti. Kóp uzamaı Reseıde týǵan cheshen ultynyń ókili Twitter-degi paraqshasynda muǵalimdi óltirgenin jáne jaýapkershilikti óz moınyna alatynyn jazady.
Odan bólek qazan aıynda Fransııa boıynsha 5 qylmys tirkeldi. Úkimet Nısa, Avınon, Lıon men Parıjde tirkelgen oqıǵalardy radıkaldy ıslamshylardyń áreketi dep topshylaıdy. Jalpy, Makronnyń sońǵy suhbaty tek Fransııadaǵy musylmandardyń emes, birqatar ıslam memleketteriniń shamyna tıgen syńaıly. О́ıtkeni Pákistan, Lıvan, Túrkııa, Palestınada belsendiler alańǵa shyǵyp, Makronnyń sýreti men Fransııa baıraǵyn órtegen.
