Premer-mınıstrdiń aıtýynsha, bıylǵy Rojdestvo da burynǵydan ózge bolmaq. Beısenbiden bastap pabtar, meıramhanalar, sport zaldary men keıbir dúkender 4 aptaǵa jumysyn toqtatady. Degenmen kóktemgi karantınnen bir ereksheligi – mektep, kolledj ben ýnıversıtetter jumysyn jalǵastyrady. Jeltoqsannyń 2-sinen keıin shekteýler jeńildetilip, eski júıege qaıtýy kerek degen jospar bar. «Bıylǵy Rojdestvo da basqa bolmaq. Múlde basqa mereke kútilýde. Degenmen qazir jaǵdaıdy qolǵa alsaq, otbasylardyń birge bolýyna jaǵdaı jasaı alamyz. Jaýapkershiligi joq úkimet qana kún sanap ósip jatqan naýqastar sanyn elemes. Qazirgi jaǵdaı sáýirdegiden de qıyn bolyp tur», deıdi B.Djonson.
Sonymen birge azamattardy jumyspen qamtyp otyrǵan kompanııalardyń 80 paıyzy jumysyn toqtatatynyn eskertip, aldyn ala keshirim surady. Oǵan qosa dárigerlerdiń de jumysy qıyndaı túsetinin habarlady. Olar naýqastardyń densaýlyǵyna qarap, odan ári emdi kótere alatynyn tańdaýǵa májbúr bolatyny týraly aıtty. Úkimet basshysynyń aıtýynsha, Anglııa aýrýhanalary naýqastarǵa lyq toly. Tipti naýqas sany az tirkelgen eldiń ońtústik-batysynda da birneshe apta ishinde aýrýhanalar tolyp qalǵan.
