Kásip bastaǵanǵa qoldaý kóp

Bir utymdysy, óz aldyna kásibin endi bastaımyn degender qaıtarymsyz grant­qa ıe bolsa, bul oraıda az-kem tájirıbe jınaqtaǵan, endi isin ulǵaıtýdy kózdegen­derge shaǵyn nesıe túrinde qoldaý kórsetilýde. Issaparda bolǵan kezimizde aýyl turǵyn­darymen tildese qalsaq, eń aldymen, jumysty bastap ketýge bastapqy qarjynyń joq­tyǵy týraly kóp aıtylady. Eger qolymyzǵa qarajat tıse, oıdaǵyny oryp, qyrdaǵyny qyryp jumys ister edik degen tárizdi nıetin de baıqatady.

– Kásip qylýdyń qyr-syry óte kóp. Eń aldymen nemen shuǵyldanatynyńdy kúni buryn barlap, óńirdiń tynys-tirshiligin ańdap alýyń kerek. Shyǵarǵan zatyń óte me, ótpeı me, halyqqa qanshalyqty qajettiligi bar, ony bilgen de óte mańyzdy, – deıdi kásipker Nurlan Alpysov.

Bul arada aıtpaǵymyz – isin endi bastaǵan adamdardyń sharýasy ońǵarylmaı jatatyny. Máselen, Qorǵaljyn aýdanynda baǵdarlama júze­ge asyryla bastaǵannan beri 27 adam alǵan nesıesin ýa­qy­tyn­da qaıtara almaı júr. Osyndaı keleńsizdiktiń kesi­rinen 34 mln teńge jeke sot oryndaýshylardyń aralasýymen keıin qaıtarylmaq. Tildesip kórseńiz, kásibin bas­taımyz dep qaryzǵa batqan­dardyń ýáji bıznes talabyn baǵamdaı almaýynan bolyp otyr.

Eń aldymen, osy máse­leni ekshep, jan-jaqty daıyn­dal­ǵan lázim. Bıyl aýdannyń 17 turǵynyna 200 aılyq eseptik kórsetkish mólsherinde 9,5 mln teńge qaıtarymsyz grant berilgen. Nátıjeli jumyspen qamtýdy jáne jappaı kásipkerlikti damytýdyń «Eńbek» mem­lekettik baǵ­dar­lamasy sheń­berinde qol­­daryna qara­jat tıgen kásip­kerler óz jumystaryn bas­taý­da. So­lardyń biri – kópbalaly ana Janargúl Júnisova.

Mine, Janargúldiń sharýasyn ózgege úlgi etýge bolar. Bul óńirde ne qat – qurylys mater­ıal­dary. Jumysyn bas­tamas buryn aýyl-aımaqtaǵy kóztanystarymen tildesken soń, ásirese, kirpishtiń qas­qal­­daqtyń qanyndaı tapshy ekenin qapysyz uqqan. Sóı­tip, qum men sement qos­pa­sy­nan qurylys qabyr­ǵa­laryn turǵyzýǵa arnalǵan blok shyǵara bastapty. О́nimi jatyp qalmaı, jyldam óte bastaǵan soń eki qolyna bir kúrek taba almaı júrgen eki aýyldasyn jumysqa al­ǵan. О́zderiniń aıtýyna qara­ǵanda, qum-kirpish 20 jyl­ǵa deıin bylq etpeıtin kóri­nedi. Mundaı arzan materıal­dy kez kelgen qurylysqa paı­dalanýǵa bolady.

Aýdandyq jumyspen qam­tý ortalyǵynyń dırektory Asylbek Mustafınniń aı­týynsha, bıyl atalǵan baǵdar­lama aıasynda 32 adamǵa nesıe berý josparlanǵan eken. Qazir 16 adam ǵana nesıe alyp, jumystaryn bastaǵan. Bir áttegen-aıy, adamdar tarapynda umtylys bolǵanymen, aýyl sharýashylyǵyn qar­jylaı qoldaý qorynda qarajat tapshy.

Bizdiń endigi bir aıtpa­ǵy­myz, qarajat naqty qoly­nan is keletin adamdardyń qo­ly­na tıse. Áıtpese, «apam toı­ǵa barsa, men de baramyn» deý­diń jóni joq. Qazir oılanbaı alǵan 27 adam qaryzǵa kirse, jumys isteımin dep jul­qynyp turǵandardyń qo­ly­na qarajat tımeı tur.

Aqmola oblysy,

Qorǵaljyn aýdany