Ákelerdi ulyqtaýǵa arnalǵan jıyn

Is-sharanyń maqsaty – ákelik ıns­tıtýtty damytý, otbasylyq qun­dy­­lyqtardy nyǵaıtý, genderlik teń­dik jáne jas urpaqqa bilim berý máse­le­le­ri boıynsha múddeli taraptar úshin dıalog alańyn qurý.

Forýmdy ashqan Qazaqstan Res­pýb­lıkasy Parlamenti Senatynyń depýtaty, Qazaqstan Respýblıkasy Prezıdentiniń janyndaǵy Áıelder jáne otbasylyq-demografııalyq saıasat jónindegi ulttyq komıssııa tóraǵasynyń orynbasary Lázzat Súleımen Prezıdent Qasym-Jomart Toqaev 2020 jylǵy 1 qyrkúıektegi Qazaqstan halqyna Joldaýynda eldegi otbasylyq-demografııalyq jaǵdaıdy jaqsartýyna, otbasy ıns­tıtýtyna erekshe nazar aýdarǵanyn, bul balaǵa otbasynda durys tárbıe men laıyqty bilim berýdi, otbasynyń, qoǵamnyń jáne eldiń ıgiligi úshin adal ómir súrýge jáne jumys isteýge úıretýdi qalaı qamtamasyz etý týraly taǵy bir ret oılaýǵa negiz ekenin atap ótti.

– Bıylǵy qıyndyq­ta­rǵa qara­mastan, bizdiń basty maq­sa­ty­myz el ekonomıkasyn nyǵaıtý, azamat­ta­rymyzdyń ál-aýqatyn jaq­sar­tý jáne jas urpaqty tárbıeleý bolyp qala beredi. Áıelder isteri jáne otba­sylyq-demografııalyq saıasat jónindegi Ulttyq komıssııa qoǵamda jáne otbasynda ákelik ınstıtýttyń rólin arttyrý jas urpaqty tár­bıe­leý­degi mańyzdy mindetterdiń biri retinde qarastyrady, – dedi Lázzat Súleımen.           

Forýmdy «Ákeler Odaǵy» RQB tóraǵasy Maqsutbek Aıtmaǵanbet júrgizdi. Forýmda «Ákeler odaǵy» RQB jáne «Bilim-Innovasııa» HQQ 12-16 qazan aralyǵynda «Áke joly – izgi jol» atty «Ákeler aptalyǵy» onlaın rejiminde ótti, sondaı-aq Instagram jáne ZOOM platformasy arqyly, ótkizý tájirıbesimen bólisti. Bul is-shara Qazaqstanda «Bilim-Innovasııa» HQQ jáne «Daryn» RǴPO, Ákeler Odaǵy RQB-nyń tikeleı qoldaýymen alǵash ret uıymdastyryldy.

Apta ishinde respýblıkanyń 70-ten astam mektep pen 2,5 myńnan astam belsendi áke baıqaýlar men týrnırlerge qatysty. О́zara is-qı­myl jasalyndy, ákelerdiń bala tárbıe­sin­degi bedelin arttyrýǵa, otbasylyq qun­dylyqtardy damytyp nyǵaıtýǵa serpin beretin taqyryptardy tal­qy­lady. Bul is-sharaǵa 600-den astam áke-qatysýshy onlaın reji­min­de qatysty.

Forýmda otbasylyq tárbıeniń ózek­ti máseleleri boıynsha ata-analar qaýymdastyǵy, otbasylardyń, bala­lardyń múddelerin qorǵaýǵa qaty­sa­tyn úkimettik emes uıymdar men mem­lekettik organdardyń arasynda syn­darly dıalog ótti. Osy baǵyttaǵy ju­mysty jaqsartý boıynsha naqty usy­nystar talqylandy.