Jedel medısınalyq járdem kórsetýge qajetti qural-jabdyqtarmen tolyqtaı qamtylǵan bul kólikter qajettilikke qaraı bólindi. Máselen, toǵyz kólik oblystyq jedel járdem jáne shuǵyl medısınalyq kómek kórsetý stansııasyna berilse, 10 mashına Taldyqorǵan qalalyq emhanasyna qyzmet etpek. Sondaı-aq, óńirdegi eki shaǵyn qala – Qapshaǵaı men Tekelidegi aýrýhanalaryna da eki-ekiden jedel járdem kóligi jiberildi. Al Sarqan aýdandyq ortalyq aýrýhanasy, Eskeldi aýdandyq ortalyq aýrýhanasy, Alakól aýdandyq ortalyq aýrýhanasy men Kerbulaq aýdandyq ortalyq aýrýhanasynyń árqaısysyna 2 jedel járdem kóligi men 1 jyljymaly medısınalyq keshennen, Qaratal aýdandyq ortalyq aýrýhanasyna 1 jedel járdem kóligi men 1 jyljymaly medısınalyq keshen, Kóksý aýdandyq ortalyq aýrýhanasyna 2 jedel járdem kóligi, Eńbekshiqazaq aýdandyq ortalyq aýrýhanasyna 12 jedel járdem kóligi, Balqash aýdandyq ortalyq aýrýhanasyna 1 jyljymaly medısınalyq keshen, Jambyl aýdandyq ortalyq aýrýhanasyna 4 jedel járdem kóligi men 1 jyljymaly medısınalyq keshen, Talǵar aýdandyq ortalyq aýrýhanasyna 9 jedel járdem kóligi men 1 jyljymaly medısınalyq keshen, Kegen aýdandyq ortalyq aýrýhanasyna 1 jedel járdem kóligi men 1 jyljymaly medısınalyq keshen, Raıymbek aýdandyq ortalyq aýrýhanasyna 1 jyljymaly medısınalyq keshen, Ile aýdandyq ortalyq aýrýhanasyna 10 jedel járdem kóligi, Panfılov aýdandyq ortalyq aýrýhanasyna 4 jedel járdem kóligi, Qarasaı aýdandyq ortalyq aýrýhanasyna 14 jedel járdem kóligi men 1 jyljymaly medısınalyq keshen, Uıǵyr aýdandyq ortalyq aýrýhanasyna 1 jedel járdem kóligi men 1 jyljymaly medısınalyq keshen tabystaldy.
Aıtpaqshy, qoldanysqa berilgen jyljymaly medısınalyq keshenderde jalpy qabyldaý, akýsher-gınekolog, sáýleli dıagnostıka kabınetteri, jalpy tájirıbe jónindegi dáriger aımaǵy, dárihana, saraptama qabyldaý aımaǵy jáne eksperttik klastaǵy portatıvti ýltradybysty apparat bar. Ári osy keshende rentgen men flıýorografııany qaýipsiz túrde jasaýǵa múmkindik qarastyrylǵan. Barlyq kólikte múmkindigi shekteýli jandarǵa arnalǵan pandýs lıfti bar. Iаǵnı, bul jyljymaly keshenderge ıe bolǵan aýdandarda mamandandyrylǵan medısına qyzmetkerleri men alǵashqy medısınalyq-sanıtarlyq kómek kórsetý mamandarynyń jetispeýshiligi máselesi de birshama sheshimin tabady. Súıinerligi, oblystyń shalǵaıda jatqan aýyl turǵyndarynyń basy aýyryp, baltyry syzdaǵan jaǵdaıda qajetti maman men tıisti medısına qural-jabdyǵynyń qoljetimdiligin edáýir arttyrady degen senim bar..
- Memleket Basshysy Qasym-Jomart Toqaev Qazaqstan halqyna arnaǵan Joldaýynda elimizdiń shalǵaıdaǵy jáne qatynaýy qıyn óńirlerinde turatyn aýyl halqyna sapaly medısınalyq kómektiń qoljetimdiligin arttyrý týraly tapsyrma bergen bolatyn. Búgingi 89 jedel járdem kóligi men 12 jyljymaly medısınalyq keshenniń kiltterin saltanatty túrde tabystaý osy mindetti oryndaý negizinde iske asty. Osy qabyldanyp jatqan sharalar óńirimizdiń medısına qyzmetkerleriniń jaýapkershiligimen jáne kásibıligimen birge Jetisý turǵyndarynyń densaýlyǵyn nyǵaıtýǵa jáne saqtaýǵa eleýli úlesin qosady dep senemin. Bıyl 180 jedel járdem kóligi men 12 jyljymaly medısınalyq keshen satyp alyndy. Búgin biz osy jyljymaly medısınalyq keshenderdiń jáne 89 reanımasııalyq mashınalardyń kiltterin tapsyrýdamyz. Qalǵan kólikter aǵymdaǵy jyldyń jeltoqsan aıyna deıin jetkiziledi. Nátıjesinde, jyl sońyna deıin oblystyń sanıtarlyq kólikteri 80 paıyzǵa jańarady. Jedel járdem qyzmetiniń sany 165 brıgadadan 205 brıgadaǵa deıin kóbeıedi, - dedi Taldyqorǵan qalasynda ótken jańa kólikterdi tabystaý saltanatynda oblys ákimi Amandyq Batalov.
Osy jerde juqpaly indettiń ekinshi tolqynyna daıyndyq aıasynda medısınalyq qural-jabdyqtardy túgendeýge oblys qazynasynan qomaqty qarjy bólingenin taǵy da aıta ketken jón. Qazir osy qarjyǵa 3 kompıýterlik tomografııa, 150 ókpeni jasandy jeldetý apparaty satyp alynǵan eken. Buǵan qosymsha respýblıkalyq bıýdjet esebinen alynǵan 120 ókpeni jasandy jeldetý apparaty da aımaqtaǵy aýrýhanalarǵa tabys etilgen. Búginde oblysta 333 ókpeni jasandy jeldetý apparaty men 1090 dana ottegi konsentraty bar.
Sondaı-aq, jaqynda óńirde vırýs juqtyrǵandardy oqshaýlaıtyn jańa modýldi ınfeksııalyq aýrýhana salynyp, iske qosylǵan bolatyn. Qazir munda 5 myńnan astam tósek-oryn daıyn tur. Munan bólek, Oblysta balalarǵa arnalǵan eki COVID ortalyq qurylǵan. Bul ortalyqtardyń bir mezgilde 400 jetkinshekke dárigerlik kómek kórsetýge múmkindigi bar.
Almaty oblysy
