Belgili bolǵanǵaı, trassanyń qaq ortasynda tártip buzǵan kókparshylar Qarasaı aýdanynyń turǵyndary bolyp shyqty. Kókparshylardyń vıdeosy áleýmettik jelige tarap, halyq narazylyǵyn týdyrtqan edi.
"1 qarasha kúni polısııaǵa Almaty-Jandosov jolynda kókpar uıymdastyrylyp jatqandyǵy jóninde habarlama kelip tústi. Tártip saqshylary anyqtaǵandaı, ulttyq oıyndy Dolan aýylynyń 38 jastaǵy turǵyny uıymdastyrǵan. Ol bes jastaǵy ulyn súndetke otyrǵyzý qurmetine kókpar uıymdastyrǵan. Er azamat polısııa bólimine jetkizildi", delingen Almaty oblystyq Polısııa departamenti baspasóz qyzmetiniń habarlamasynda.
38 jastaǵy turǵyn karantın talaptaryn buzǵany úshin QR Ákimshilik kodeksiniń 434-baby 1-tarmaǵyna sáıkes jazalanatyn bolady. Endi oǵan qatysty is tıisti organǵa joldandy.
