Qyzylordalyq zııatkerler saıysqa 10 ǵylymı joba men avtorlyq ónertabystaryn usyndy. Biri júrek aqaýlaryn anyqtaıtyn elektrokardıograf jasap shyǵarsa, basqalary balamaly energııa kózderin alý, taldardy egýge arnalǵan qurylǵy men jylyjaıda mádenı ósimdikterdi ósirýdiń zamanaýı tehnologııasyn tanystyrǵan. Sondaı-aq, jas ónertapqyshtar sýdy óndiristik qaldyqtardan tazalaý, Syrdarııa ózeniniń lastaný aımaǵyn anyqtaýdyń jańa ádisterin jasap shyǵypty. Saıysta balalardyń tildik daǵdylaryn arttyrýdaǵy tyń ıdeıalar men Qazaq handyǵyndaǵy bıler ınstıtýtynyń rólin zertteý jobalary da joǵary baǵalandy.
Baıqaý qorytyndysy boıynsha 7 jumystyń avtorlary júldeli oryndarmen marapattaldy. Atap aıtqanda, 8-synyp oqýshysy Bekjan Bekturǵan, 12-synyptan Gúldana Sábıtova men Dáýlet Raıymbaev jáne 10-synyptyń bilim alýshysy Zarına Aısaıtova jeńimpaz atansa, 9-synyp oqýshylary Nurnazar Túrikben, Toǵjan Marat jáne Juldyzaı Munaıtbasova júldeli 2-oryndy ıelendi. Al 12-synyp oqýshysy Mereı Sembaı men 9-synyptan Jibek Kósherbaeva úshinshi tuǵyrdan kórindi.
Jalpykomandalyq esepte Qyzylordadaǵy NIS "Eń úzdik komanda-2020" atandy.
