Eki kúnge sozylǵan is shara barysynda Qostanaı qalasynda ınternet arqyly bes márte alaıaqtyq jasaǵan 26 jastaǵy kúdikti ustaldy. Qaskúnem qala turǵyndarynyń jeke basyna qatysty qujat málimetterin paıdalanyp, ózine beıtanys adamdardyń atynan onlaın nesıe rásimdep, shaǵyn nesıe uıymdarynyń birinen ońaı olja taýyp otyrǵan. Alaıaqtyń quryǵyna túskenderge kelgen jalpy shyǵyn kólemi 1 mıllıon teńgeden asady. Mysaly, kúdikti jábirlenýshilerdiń birine 900 myń teńgege jýyq nesıe rásimdegen.
Qostanaı qalasynyń kelesi bir turǵyny koronovırýs indeti órship ketken kezde aldaý jolymen paıda tappaq bolyp, áleýmettik jelige rezeńke qolǵap satylatyny týraly habarlandyrý ornalastyrǵan. Almaty oblysynyń turǵyny kúdiktige 36 myń rezeńke qolǵapqa tapsyrys berip, bir jarym mıllıon teńgeden astam aqsha jiberedi. Alaıda tapsyrys berýshi taýardy da, aqshany da qaıtaryp ala almaǵan. Osylaısha, qaskúnem Soltústik Qazaqstan jáne Aqmola oblystarynyń turǵyndaryn aldaý jolymen, 1 mln teńgeden astam paıda tapqan.
Oblystyq polısııa departamenti baspasóz qyzmetiniń málimetinshe, qazir atalmysh alaıaqtarǵa qatysty qylmystyq is qozǵalyp, sotqa deıingi tergeý amaldary júrip jatyr.
Qostanaı oblysy
