Osyǵan oraı, Jambyl oblysynyń ákimi Berdibek Saparbaevtyń tapsyrmasymen oqıǵanyń mán-jaıyn anyqtaý úshin quramynda Jambyl oblystyq tótenshe jaǵdaılar departamentiniń, Merki aýdany ákimdiginiń ókilderinen arnaıy komıssııa quryldy. Oblystyq tótenshe jaǵdaılar departamenti ókilderiniń aıtýynsha, atalǵan turǵyn úıde úgit-profılaktıkalyq jumys júrgizilgen. Alaıda bul sharanyń kómegi tımegen.
Osyǵan oraı, búgin «О́ńirlik kommýnıkasııalar qyzmetiniń» alańynda oblystyq tótenshe jaǵdaılar departamenti basshysynyń mindetin atqarýshy, polkovnık Maqsat Qosybaev brıfıng ótkizdi. Baıandamashy áýeli jeksenbi kúni Merki aýdanynda oryn alǵan jaǵdaıǵa toqtaldy. «Atalǵan turǵyn úııde úgit-profılaktıkalyq jumys júrgizilgen. Bıylǵy jyldyń 15 qyrkúıeginde gaz jáne elektr aspaptaryn paıdalaný kezinde turmysta órt qaýipsizdigi talaptaryn saqtaý týraly jadnama berilgen bolatyn. Aǵymdaǵy jyly 17 tamyz ben 17 qyrkúıek aralyǵynda ótkizilgen turǵyn úı sektorynda órt qaýipsizdigi aılyǵyn ótkizý josparyna sáıkes, departament qyzmetkerleri «QazTransGazAımaq» mekemesiniń ókilderimen, volonterlarmen birlesip, Merki aýdanynyń Plodovoıagodnoe aýylynda órttiń aldyn alý jáne halyqty órt qaýipsizdigi sharalaryna oqytý boıynsha úgit-nasıhat jumystaryn júrgizdi», dedi Maqsat Qosybaev. Al, oqıǵadan zardap shekken 3 adam jedel túrde aýrýhanaǵa jetkizilip, tıisti medısınalyq kómek kórsetilgen. «Jansaqtaý bólimine jatqyzylǵan adamdardyń bireýi palataǵa aýystyrylyp, ekinshisi oblystyq balalar aýrýhanasyna jetkizildi. Oqıǵa ornynda arnaıy komıssııa ókilderi jumys isteıdi», deıdi Merki aýdanynyń ákimi Meıirhan О́mirbekov.
Jalpy, Jambyl oblysynda 1 qazanǵa deıin jaýapty mekeme tarapynan turǵyn úılerge profılaktıkalyq jumys júrgizilgen. Nátıjesinde, 2167 úıde 2863 órt qaýipsizdigi talaptarynyń buzýshylyqtary anyqtalǵan. Al, 743 úıde kemshilikter tolyǵymen joıylǵan.
Jambyl oblysy
