«Qala turǵyndaryna qyzmet kórsetetin 9 PTR zerthanasy ashylǵan. Olar kúnine 3,5 myńǵa jýyq test qabyldaý múmkindigine ıe. Búginde təýligine 1,5-2 myń arasynda test qabyldaýda. Iаǵnı osy kúnge deıin 116 591 PTR-testi ótkizilgen. Qalada 1 060 tósektik oryn bar. Onyń 560-y juqpaly aýrýlarǵa, 500-i karantındik aýrýlarǵa arnalǵan. Qazirgi tańda juqpaly jáne karantındik aýrýhanalarda 156 naýqas em alýda», dedi Baqytjan Joldasbekuly.
Bas dárigerdiń aıtýynsha, úshinshi megapolıste epıdemııalyq ahýal únemi baqylaýda jáne koronavırýs ınfeksııasynyń taralýynyń aldyn alý maqsatynda kóptegen jumys atqarylyp jatyr.
Qalada 2020 jyldyń 24 naýryzynan 29 qazanyna deıin koronavırýs ınfeksııasynyń 5 231 jaǵdaıy tirkelgen. Onyń 2 662-si sımptomdy bolsa, 2 569-y – sımptomsyz. Olardyń ishinde 5 152 naýqas emdelip shyqqan. Al osy jyldyń 1 tamyzy men 29 qazan aralyǵynda COVID-19 belgileri men vırýsty pnevmonııanyń 985 jaǵdaıy tirkelgen.
Sondaı-aq indetpen kúreske daıyndyq barysynda qaladaǵy úsh aýrýhanaǵa kompıýterlik tomografııa apparaty ornatylǵan.
«Shaharda koronavırýs ınfeksııasy men pnevmonııany anyqtaý maqsatynda qalalyq juqpaly aýrýlar aýrýhanasyna, №2 jáne №3 qalalyq aýrýhanalarǵa zamanaýı úlgidegi kompıýterlik tomografııa apparaty ornatyldy. Olar bir apta kóleminde tolyq iske qosylady. Iаǵnı búginde aq jeleńdiler arnaıy oqýdan ótýde. Atalǵan apparattar yqtımal koronavırýs ınfeksııasy kezinde kóp kómegin tıgizedi. Bul qurylǵylar Sovid-19 vırýsyn anyqtaýǵa ǵana arnalmaǵan, aýrýhanaǵa túsken naýqastardy jan-jaqty tekserýge paıdasy mol», dedi B.Pozılov.
Basqarma basshysynyń sózine súıensek, medısınalyq uıymdarda 612 ókpeni jasandy jeldetý apparaty daıyn. Olardyń árbiri reanımasııalyq tósektik oryn basynda ornalasqan. Odan bólek reanımasııalyq tósekterdi jabdyqtaý maqsatynda 314 fýnksıonaldy kereýet, 381 dozator, 266 reanımasııalyq monıtor jáne 381 medısınalyq sorǵysh qondyrǵy ornatylǵan. Al stasıonarlyq kómek kórsetetin medısınalyq uıymdarda dári-dármek jəne buıymdarmen qamtamasyz etý məselesi sheshilgen.
Bıyl qala turǵyndary maýsymdyq tumaýǵa qarsy ekpeni belsendi túrde saldyrýda. Bul kórsetkish 99,7 paıyzdy quraıdy. Al vaksınadan ótýi tıis belgili bir topqa jatatyn azamattarǵa 100 paıyz egilgen.
О́kinishtisi, indet irgemizge kelse de birqatar kásipkerlik nysan óz jumystaryn toqtatar emes. Osy jaǵdaıdy eskergen qala ákimdigi karantındik talaptardyń saqtalýyn qatań baqylaýǵa aldy.
Shymkent qalasynda mobıldik toptyń ókilderi kúndizgi jáne keshki ýaqyttarda karantın rejimi men sanıtarlyq-epıdemııalyq talaptardyń saqtalýy boıynsha turaqty monıtorıng jumystaryn júrgizýde.
Ál-Farabı aýdany ákimdiginiń qyzmetkerleri, jergilikti polısııa kyzmeti, prokýratýra, sondaı-aq aýdandyq taýarlar men kórsetiletin qyzmetterdiń qaýipsizdigin baqylaý bólimi jáne «Atameken» UKP-y mamandary birlese kezekti reıdtik is-sharalar uıymdastyrdy.
Is-shara barysynda aýdan aýmaǵynda ornalasqan kásipkerlik nysandarda karantın talabyn buzǵan azamattar anyqtalyp, olarǵa ákimshilik hattama toltyryldy.
Koronavırýs ınfeksııasynyń taralýynyń aldyn alý maqsatynda Shymkent qalasy bas sanıtarııalyq dárigeriniń qaýlysyna ózgerister engizilgen bolatyn. Endigide qala bıligi talaptar men erejelerdi saqtamaǵan saýda oryndaryn ákimshilik jaýapqa tartatynyn eskertedi. Dárigerler turǵyndardy kópshilik jıi shoǵyrlanatyn oryndarda sanıtarlyq talaptardy saqtap, maska taǵý rejimin saqtaýǵa shaqyrady.
Tipti qala ákimi Murat Áıtenovtiń tapsyrmasyna sáıkes qaladaǵy medısınalyq uıymdar aldynda koronavırýstan saqtaný sharalary jazylǵan bannerler ilinýde. Osylaısha medısına mamandary ınfeksııalyq aýrýdan saqtaný joldary týraly turǵyndar arasynda keńinen nasıhattamaq. Birinshiden, bul turǵyndar arasynda ınfeksııanyń keń taralyp ketýine tosqaýyl bolsa, ekinshiden, «aýyryp em izdegenshe, aýyrmaýdyń jolyn izdeý» kerek ekenin eskertedi.
Turǵyndar mazasyzdanǵan nemese JRVI aýrýynyń belgileri baıqalǵan jaǵdaıda 103-ke qońyraý shalýǵa bolady. Búgingi tańda qaladaǵy koronavırýs ınfeksııasy, epıdemııalyq ahýal týraly resmı jáne senimdi aqparat alý úshin www.covid19shymkent.kz biryńǵaı aqparattyq portaly iske qosyldy. Azamattardy koronavırýsqa qatysty jedel ári senimdi málimettermen aqparattandyrý, indetke qatysty týyndaǵan saýaldarǵa osy ınternet resýrs tolyq aqparat bere alady. Bul resýrsta koronavırýstyń belgileri jáne onymen kúresý joldary, qala boıynsha syrqattanǵandar sany, barlyq medısınalyq mekemelerdiń tizimi men telefon nómirleri, aýrýhanadaǵy bos tósektik oryndar sany jaıyndaǵy aqparattar tolyq jınaqtalyp kórsetilgen.
ShYMKENT
