Bul kúnderi Uly Jeńistiń aldaǵy 70 jyldyǵyna daıyndyq júrip jatyr. Ony TMD aýmaǵy birge atap ótý úshin memleket basshylary qol qoıǵan qaýlylary bar. Sonyń ishinde Uly Otan soǵysy ardagerleriniń túrli muqtajdyqtaryn ótep, úı-jaılaryn jóndep, qarjylaı kómek berý sııaqty qosalqy sharalar da jetkilikti. Eń bastysy, halqymyzdyń qazynasy – ardagerlerimiz qol qýsyryp otyrmaı, eldik isterge de aralasyp, keıingi urpaqty tárbıeleý isine de qosyp jatqan úlesteri ólsheýsiz.
Bul kúnderi Uly Jeńistiń aldaǵy 70 jyldyǵyna daıyndyq júrip jatyr. Ony TMD aýmaǵy birge atap ótý úshin memleket basshylary qol qoıǵan qaýlylary bar. Sonyń ishinde Uly Otan soǵysy ardagerleriniń túrli muqtajdyqtaryn ótep, úı-jaılaryn jóndep, qarjylaı kómek berý sııaqty qosalqy sharalar da jetkilikti. Eń bastysy, halqymyzdyń qazynasy – ardagerlerimiz qol qýsyryp otyrmaı, eldik isterge de aralasyp, keıingi urpaqty tárbıeleý isine de qosyp jatqan úlesteri ólsheýsiz.
Qaı kezde de ulaǵatty úlken urpaq bas qosqanda qaralatyn másele, ortaǵa salynatyn saýaldar az bolmaıdy. Sonymen, keshe Almaty qalasy ardagerler uıymynyń quryltaı jınalysy bolyp ótti. Bul jıynǵa «Generaldar keńesi» respýblıkalyq qoǵamdyq birlestigi muryndyq bolyp, Almaty qalasynyń ákimdigimen birlesip qalanyń barlyq aýdandarynda Uly Otan soǵysynyń ardagerleri men qatysýshylary, aýǵan soǵysynyń, jergilikti jaýyngerlermen jáne Chernobyl oqıǵasynyń qatysýshylarymen ótkizilgen dóńgelek ústel barysynda ardagerlerdiń áleýmettik máseleleri talqylandy jáne Uly Otan soǵysyndaǵy Jeńistiń 70 jyldyǵyn laıyqty qarsy alý jóninde máseleler qaraldy.
Qazaqstan Respýblıkasyndaǵy atalǵan sanattaǵy ardagerler uıymdarynyń qatysýshylary kelesi baǵyttar boıynsha tyǵyz áriptestikti uıymdastyrýdy usynyp otyr.
Onyń ishinde ulttyq qaýipsizdikti, qorǵanys jáne eldegi zańdylyqty nyǵaıtýda QR Prezıdentine qoldaý kórsetý, jańa qazaqstandyq patrıotızm baǵytynda tárbıeleý boıynsha ardagerler uıymynyń birlesken qyzmetin jandandyrý isteri de bar.
Sol sııaqty, QR Úkimetiniń UOS, eńbek maıdanynyń qatysýshylary, aýǵan soǵysynyń ardagerleri men múgedekteri, jergilikti jaýyngerler, Chernobyl apatyna qatysýshylar, Qarýly Kúshter men qarýly qurylymdar, áskerı qyzmetkerlerdiń otbasy jáne quqyq qorǵaý organdary qyzmetkerleri, áskerı mindetterin oryndaý kezinde qaza tapqan jaýyngerler otbasyn áleýmettik qorǵaý máseleleri boıynsha túpkilikti shara qabyldaýyna yqpal etý kózdelýde jáne Almaty qalasynda soǵys ardagerlerine saýyqtyrý ortalyǵyn jáne Ardagerler úıin qurý isi de qordalanǵan másele qatarynda tur.
Osy maqsatta, «Generaldar keńesi» RQB ardagerler uıymynyń quryltaıshy jınalysyn ótkizýge jáne Ardagerler birlestiginiń qaýymdastyǵyn qurýǵa sheshim qabyldady.
Aınash ESALI,
«Egemen Qazaqstan».
ALMATY.
