Bul jóninde búgin aqparattyq-kommýnıkasııalyq ortalyqta ótken brıfıngte qalalyq densaýlyq saqtaý basqarmasynyń basshysy Baqytjan Pozılov málim etti.
- Qalada 3 ottegi stansııasyn ornatý boıynsha jumystar aıaqtaldy. Ekeýi Qalalyq ınfeksııalyq aýrýhana bazasynda jáne bireýi №3 qalalyq aýrýhanada. Budan bólek medısınalyq uıymdardaǵy 717 ottegi núktelerin qosý jáne suıyq ottegige arnalǵan 9 rezervýar ornatý jumystary júrgizilýde, dedi basqarma basshysy.
Sondaı-aq, 13 sanıtarlyq kólik demeýshilik retinde berilgen. Munan ózge, medısınalyq uıymdarda 612 IVL apparattary jumys jasaıtyn bolady. Jyl basynda 310 IVL apparaty bolsa, qosymsha 156 IVL Densaýlyq saqtaý mınıstrliginen jetkizildi. Odan basqa demeýshilik kómekpen 20 IVL apparat jáne 98 ottegi konsentrateri berildi. 126 dana IVL apparattary jergilikti bıýdjetten satyp alynýda.
Endi alǵash ret Shymkent qalasynda "Qazmedprıbor" JShS IVL apparattaryn shyǵarýdy bastady. Mekeme kúnine 20-25 IVL apparat shyǵarýǵa qaýqarly. Odan basqa 300-ge jýyq medısınalyq jabdyqtar shyǵarylady.
