"Quryltaıdyń ótetin orny men kún tártibine qatysty usynystardy daıyndaýdy partııanyń ortalyq apparatyna tapsyramyz. Aldaǵy quryltaıdyń formaty koronavırýsqa, sanıtarlyq-epıdemıologııalyq jaǵdaıǵa baılanysty tańdalady. Fılıaldarǵa saılaýaldy baǵdarlama jobasy jiberiledi. О́z eskertýlerińiz ben usynystaryńyzdy daıyndaýdy suraımyn", – dedi Azat Perýashev.
Sondaı-aq Ortalyq Keńes quryltaı kún tártibiniń úsh máseleden turatyn jobasyn bekitti. Olar partııanyń Parlament Májilisi men máslıhattar saılaýyna qatysýy týraly, partııalyq tizimderdi bekitý týraly jáne partııanyń saılaýaldy baǵdarlamasynyń jobasy týraly.
"Partııa basshylyǵy 24/7 rejıminde "non-stop" jumys tártibine kóshti, sondyqtan bárińizdiń baılanysta bolyp, aǵymdaǵy jáne uıymdastyrýshylyq máselelerdi jedel sheshýlerińizdi suraımyn", - dedi Azat Perýashev partııalas áriptesterine.
